ލޯކަލް ކައުންސިލް އިންތިޚާބާއި ގުޅިގެން ކުށުގެ ރެކޯޑު ސާފުކުރުމަށް ގިނަ ބަޔަކު ސުޕްރީމް ކޯޓަށް އަންނަމުންދާތީ އެ ހިދުމަތް ދޭ ވަގުތު ސުޕްރީމް ކޯޓުން ވެސް އިތުރުކޮށްފި އެވެ.
އެ ކޯޓުން ބުނީ މިއަދު ބުރާސްފަތި ދުވަހު ހަވީރު 6:00 އާ ހަމައަށް ކުށުގެ ރެކޯޑު ސާފުކުރުމުގެ މަސައްކަތް ސުޕްރީމް ކޯޓުން ކުރިއަށް ގެންދާ ގޮތަށް ހަމަޖެހިފައިވާ ކަމަށެވެ. އަދި އަންނަ ހޮނިހިރު ދުވަހު ހެނދުނު 11:00 އިން ފެށިގެން ހަވީރު 5:00 އާ ހަމައަށް ވެސް ކުށުގެ ރެކޯޑް ސާފުކޮށްދޭނެ ކަމަށެވެ.
ކުށުގެ ރެކޯޑު ސާފުކޮށްދިނުމަށް ގިނަ ބަޔަކު އަންނަމުންދާތީ ކްރިމިނަލް ކޯޓުން ވެސް ވަނީ އަންނަ ހޮނިހިރު ދުވަހުގެ ހެނދުނު 11:00 އިން ހަވީރު 4:00 އާ ހަމައަށް އެ ހިދުމަތް ދޭން ނިންމައިފަ އެވެ.
މީގެއިތުރުން ހައި ކޯޓާއި ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން ވަގުތު އިތުރުކޮށްފައިވެ އެވެ.