ވޮޝިންޓަން (ފެބްރުއަރީ 10) - އެމެރިކާ އަށް މުސްލިމް ހަތް ގައުމެއްގެ މީހުން ވަނުން މަނާކުރުމަށް ރައީސް ޑޮނަލްޑް ޓްރަމްޕް ނެރުއްވާފައިވާ އަމުރު ތަންފީޒު ކުރުން ހުއްޓުވުމަށް ވޮޝިންޓަނުގެ ޑިސްޓްރިކްޓް ކޯޓުން ނެރެފައިވާ އަމުރަށް އިސްތިއުނާފް ކޯޓުން ތާއީދުކޮށްފި އެވެ.
ސެން ފްރެންސިސްކޯގެ ނައިންތު ސާކިޓް ކޯޓް އޮފް އެޕީލްސްގެ ތިން ފަނޑިޔާރުންގެ އިއްތިފާގުން ނިންމާފައި ވަނީ ހަތް ގައުމެއްގެ މީހުން އެމެރިކާ އަށް ވަނުމުގައި އޮތް ނުރައްކަލެއް ސަރުކާރުން ސާބިތުކޮށްދެވިފައި ނުވާ ކަމަށެވެ. އިސްތިއުނާފް ކޯޓުގެ ނިންމުމާ އެކު އީރާން، އިރާގު، ލީބިއާ، ސޮމާލިއާ، ސޫދާން، ސީރިއާ އަދި ޔަމަން މީހުން ސައްހަ ވިސާއާ އެކު ކުރިއެކޭ އެއްގޮތަށް އެމެރިކާ އަށް ދަތުރު ކުރެވޭނެ އެވެ.
ގިނަ ބަޔަކު އިތުބާރު ކުރާ ކޯޓުގެ ނިންމުމާ ގުޅިގެން ޓްރަމްޕް ވަނީ އާދައިގެ މަތިން ހުކުމަށް ފާޑު ވިދާޅުވެފަ އެވެ. އަދި އެމެރިކާ ނުރައްކަލަށް ވައްޓާނުލެވޭނެ ކަމަށް ވިދާޅުވެ ވަނީ މި މައްސަލަ މަތީ ހަރުހަލާގެ ކޯޓަކަށް ގެންދާނެ ކަމަށް ވިދާޅުވެފަ އެވެ. އެހެންވެ މި މައްސަލައިގައި ފަހުގެ ނިންމުން ނިންމާނީ އެމެރިކާގެ ސްޕްރީމް ކޯޓުން ކަމަށްވެ ބެލެވެ އެވެ.