ހދ. ޖުޑީޝަލް ދާއިރާގެ އިސް މެޖިސްޓްރޭޓް އަލީ އާދަމްގެ މަގާމް ދަށްކޮށްފި އެވެ.
ޖުޑީޝަލް ސާވިސް ކޮމިޝަން (ޖޭއެސްސީ) އިން މެޖިސްޓްރޭޓް އަލީ އާދަމްގެ މަގާމް ދަށްކޮށްފައިވަނީ، ހދ.ކުޅުދުއްފުށި މެޖިސްޓްރޭޓް ކޯޓަށް ހުށަހެޅުނު މައްސަލައެއްގައި ކަމާބެހޭ މަޢުލޫމާތު ސާފުނުކޮށް، މައްސަލަ އެކަށީގެންވާ މިންވަރަށް ދިރާސާކޮށްފައި ނުވާތީ އެވެ.
ޖޭއެސްސީން ބުނީ، އިސްމެޖިސްޓްރޭޓް އަލްއުސްތާޛް ޢަލީ އާދަމް މައްސަލަ ބެލުމުގައި ފަރުވާކުޑަކޮށްފައިވާކަން ތަޙުޤީޤަށް ސާބިތުވާކަމަށެވެ. އެހެންކަމުން ޤާނޫނުއަސާސީއާއި، ގެވެށި އަނިޔާ ހުއްޓުވުމުގެ ޤާނޫނާއި، ދިވެހިރާއްޖޭގެ ފަނޑިޔާރުންގެ ޤާނޫނާއި، ފަނޑިޔާރުންގެ ސުލޫކީ މިންގަނޑާ ޚިލާފުވެފައިވާތީ ޖޭއެސްސީން ވަނީ ފިޔަވަޅު އެޅުމަށް ނިންމާފައެވެ.
އެގޮތުން ޖޭއެސްސީން ވަނީ، ހދ. ޖުޑީޝަލް ދާއިރާގެ އިސްމެޖިސްޓްރޭޓް މަގާމުން ހދ. ކުޅުދުއްފުށީ މެޖިސްޓްރޭޓް ކޯޓުގެ މެޖިސްޓްރޭޓްގެ މަގާމަށް މިހާރު ވަނީ ދަށްކޮށްފައެވެ.
މީގެ ކުރިން އަލީ އާދަމްއާ ގުޅޭ ސުލޫކީ ދެ މައްސަލައެއް ޖޭއެސްސީން ބެލުމަށް ފަހު އެ ދެ މައްސަލަ ވެސް އޭނާގެ މައްޗަށް ސާބިތުވާތީ، އޭނާ ފަނޑިޔާރުކަމުން ވަކިކުރަން މަޖިލީހަށް ދެ ފަހަރެއްގެ މަތިން ފޮނުވާފައިވެއެވެ. މި މައްސަލައަށް މިހާތަަނަށް މަޖިލީހުން ގޮތެއް ނިންމިފައިނުވާތީ ޖޭއެސްސީން ވަނީ ކަންބޮޑުވުންވެސް ފާޅުކޮށްފައެވެ.
Your email address will not be published. Required fields are marked *
Comment *
Name
Email
Website
© 2023 Gaafu Media Group Pvt Ltd. All rights reserved.