މުޅި މާލެ އާއި ހުޅުމާލޭން މިއަދު ކަރަންޓު ކެނޑިއްޖެ އެވެ.
ތަފްސީލް - މާލެ ސަރަހައްދަށް ކަރަންޓުގެ ހިދުމަތް ފޯރުކޮށްދޭ ސްޓެލްކޯއިން ބުނީ މާލެ އާއި ހުޅުމާލޭން ކަރަންޓު ކެނޑުނީ ދިމާވި ޓެކްނިކަލް މައްސަލައަކާ ގުޅިގެން ކަމަށެވެ.
"މައްސަލަ ހައްލުކޮށް އަލުން ކަރަންޓު ދިނުމުގެ މަސައްކަތްތައް ދަނީ ކުރެވެމުން. ދިމާވާނެ ދަތިތަކަށް މައާފަށް އެދެން،" ސްޓެލްކޯއިން ބުންޏެވެ.
ކަރަންޓު އިއާދަކުރެވޭނެ ވަކި އިރެއް ނުބުނެ އެވެ.
ފާހަގަކޮށްލެވޭ - މިދިޔަ 1 ޖޫންގައި ވެސް މުޅި މާލޭންނާއި ހުޅުމާލޭން ކަރަންޓު ކެނޑުނެވެ. އެ ފަހަރު މުޅި މާލެ އާއި ހުޅުމާލެއަށް  ކަރަންޓު  ދެވުނީ ހަ ގަޑިއިރެއްހާ އިރު ފަހުންނެވެ.