ޏ. ފުވައްމުލަކު ސިޓީގެ ބޮޑު ބަޔަކުން ކަރަންޓު ކެނޑިއްޖެއެވެ.
ފުވައްމުލަކު ސިޓީ އަށް ކަރަންޓު ފޯރުކޮށްދެމުން އަންނަ ފެނަކަ ކޯޕަރޭޝަނުގެ ފުވައްމުލަކު ބްރާންޗުގެ މެނޭޖަރ "ދިޔަރެސް" އަށް ވިދާޅުވީ ދިމާވި މައްސަލަ އަކާއި ގުޅިގެން އެރަށުގެ ބޮޑު ބަޔަކުން ކަރަންޓު ކެނޑިފައިވާ ކަމަށެވެ.
ނަމަވެސް މައްސަލަށް ހައްލުކޮށް ބައެއް ގެތަކަށް ކަރަންޓު ދީފައިވާއިރު، އަދިވެސް ކަރަންޓު ނުދެވި ބައެއް ގެތަށް ހުރުމުން މައްސަލަ ހައްލު ކުރުމުގެ މަސައްކަތް އެކުންފުނީގެ ޓެކްނީޝަނުން ކުރަމުންގެންދާ ކަމަށެވެ.
ކުރިއަށް އޮތް ގަޑިއެއްހާ އިރުތެރޭ މައްސަލަ ހައްލުކޮށް މުޅި ރަށަށް ކަރަންޓ ދެވޭނެ ކަމަށް ލަފާ ކުރެވޭ ކަމަށް ފުވައްމުލަކު ބްރާންޗުގެ މެނޭޖަރ ވިދާޅުވިއެވެ.
މިރޭ ފުވައްމުލަކުން ކަރަންޓު ކެނޑިފައިވާއިރު، ދިވެހި ސިފައިންގެ ތަމްރީނުތަކަަށް ބޭނުން ކުރަމުން އަންނަ ކ.ގިރިފުށީގައި ކަރަންޓު ނެތުމުގެ ސަބަބުން އެތަނުގައި ތަމްރީނު ހަދަމުން ދިޔަ ސިފައިން ވަނީ މާލެ ގެނެސްފައެވެ.
އިއްޔެ ގިރިފުށިން ކަރަންޓު ދިޔުމުގެ ސަބަބުން އެތަނުގައި ކައްކައި، ފެންވަރައި އަދި ކެވޭނެ ނިޒާމެއްވެސް ނެތިގެން ރޭގެ ވަގުތެއްގައި ތަމްރީނަށް ގޮސް ތިބި ހުރިހާ ސިފައިން މާލެ ގެނެސްފައިވެއެވެ. އަދި އެފަހުން މިއަދު ބާ އިންޖީނެއް ބޭނުން ކޮށްގެން ގިރިފުއްޓަށް ކަރަންޓު ދީފައިވާ ކަމަށް މައުލޫމާތު ލިބެއެވެ. ގިރިފުށީގެ އިންޖީނަށް މައްސަލަތައް ދިމާވެގެން، އެ އިންޖީނު މަރާމާތު ނުކުރެވިފައިވަނީ ބަޖެޓުގެ ދަތިކަމާއި ހެދި ކަމަށް މައުލޫމާތު ލިބެއެވެ.