ބާޒާރުގައި ތަކެތީގެ އަގުތައް ފަސޭހައިން އާންމުންނަށް ފެންނާނެ އިންތިޒާމް ހަމަޖެއްސުމަށްޓަކައި، އިކޮނޮމިކް މިނިސްޓްރީން "އަގުމަގު" އެޕްލިކޭޝަން މިއަދު ތައާރަފްކޮށްފިއެވެ.
ނަމަވެސް އަލަށް ތައާރަފްކުރި އެޕްލިކޭޝަނާއެކު، އަތޮޅުތެރޭގެ ރަށްރަށުގައިވެސް ތަކެތި ވިއްކަން ހުންނަ އަގުތައް ފެންނާނެ ކަމަށް މިނިސްޓްރީން ބުނެފައިވެއެވެ.
މީގެ އިތުރުން، އާންމުކޮށް ގަންނަ ތަކެތީގެ ލިސްޓުތައް ސޭވްކޮށްގެން ގެންގުޅުމުގެ ފުރުސަތުވެސް މި އެޕުން ލިބިގެންދާނެއެވެ. މިގޮތަށް ސޭވްކުރާ ލިސްޓުތަކަށް އެންމެ ކުޑަ އަގެއް ހޭދަވާނެ ގޮތާއި، ވަކިވަކި ތަކެތި އެންމެ ހެޔޮ އަގުގައި ލިބޭނެ ތަންތަން ފަސޭހަކަމާއެކު ހޯދާލެވޭނެ ކަމަށް މިނިސްޓްރީން މައުލޫމާތު ދެއެވެ.