އެމެރިކާ އާއި އީރާނުގެ މަޝްވަރާގެ ވަފުދުތައް ގަތަރުގެ ދޯހާއަށް ދިއުމަށް ހަމަޖެހިފައިވީ ނަމަވެސް، ދެ ފަރާތުގެ މެދުގައި ރަސްމީ ބައްދަލުވުމެއް ބޭއްވޭނެކަމުގެ ޔަގީންކަމެއް ނެތް ކަމަށް ރިޕޯޓުތައް ބުނެފިއެވެ.
މިދިޔަ ފެބުރުވަރީ މަހު އެމެރިކާ އާއި އިސްރާއީލުން އީރާނަށް ދިން ހަމަލާތަކަށްފަހު، ދުނިޔޭގެ ތެލުގެ ވިޔަފާރީގެ މުހިންމު ސަރަހައްދެއް ކަމަށްވާ ހޯރްމުޒް ކަނޑުއޮޅީގެ ދަތުރުފަތުރުތަކަށް ވަނީ ބޮޑެތި ބުރޫއަރާފައެވެ.
އެމެރިކާގެ ރައީސް ޑޮނަލްޑް ޓްރަމްޕް މި މަޝްވަރާތަކަށް އޭނާގެ ދަނބިދަރި ޖެރެޑް ކުޝްނާ އާއި މަންދޫބު ސްޓީވް ވިޓްކޮފް ފޮނުވުމަށް ވަނީ ނިންމާފައެވެ. ޓްރަމްޕް ބުނި ގޮތުގައި ދޯހާގެ ބައްދަލުވުމަކީ މުހިންމު ނުވަތަ މުހިންމު ނޫން ބައްދަލުވުމަކަށް ވެސް ވެދާނެއެވެ.
މި ހަމަލާތަކުގެ ސަބަބުން ދުނިޔޭގެ ބާޒާރުގައި ތެލުގެ އަގު ފީފާއަކަށް 100 ޑޮލަރަށްވުރެ މައްޗަށް އަރައި، ބައިނަލްއަގުވާމީ ފެންވަރުގައި ތަކެތީގެ އަގު ވަނީ އުފުލިފައެވެ.
މި ދަނޑިވަޅުގައި އީރާނުގެ ރައީސް މަސްއޫދު ޕެޒެޝްކިއަން ވިދާޅުވީ ގަތަރުގައި ހުރި އީރާނުގެ ފައިސާގެ ތެރެއިން 6 ބިލިއަން ޑޮލަރު މިހާރު ދޫކޮށްލާފައިވާ ކަމަށާއި، މިއީ އީރާނުގެ ރައްޔިތުންނަށް ލިބުނު ބޮޑު ކާމިޔާބީއެއް ކަމަށެވެ.