ގއ. ކޫއްޑު ފިޝަރީޒް ކޮމްޕްލެކްސްގައި ހަދާފައިވާ މަސްވެރިންގެ މެރީނާ ރައީސް އަބްދުﷲ ޔާމީން މިއަދު ހުޅުވައި ދެއްވައިފިއެވެ.
ގއ. ކޫއްޑޫގެ މަސްވެރިންގެ މެރީނާ މިއަދު ހުޅުވައިދެއްވީ ރައީސް ޔާމީން ރިޔާސީ އިންތިހާބަށް ކެމްޕޭން ކުރުމަށް ގއ. އަދި ގދ. އަތޮޅަށް މިހާރު ކުރައްވަމުން ގެންދަވާ ދަތުރުފުޅުގައި އެރަށަށް ވަޑައިގެންނެވެ.
އެ ރަސްމިއްޔާތުގައި އެސްޓިއޯގެ މެނޭޖިން ޑައިރެކްޓަރު އަހުމަދު ޝަހީރު ވިދާޅުވީ ސަރުކާރުން މަސްވެރިކަން ކުރިއެރުވުމަށް ގިނަ މަސައްކަތްތަކެއް ކުރަމުން ގެންދާ ކަމަށެވެ.
މަސްވެރިންނަށް ހިދުމަތްތައް ލިބޭ ގޮތަށް މަސްވެރިންގެ މެރީނާތައް ހެދުމަކީ ސަރުކާރުގެ މަސްވެރިކަމުގެ ވައުދުތަކުގެ ތެރެއިން އެއްވައުދެވެ.