ގއ.ކޫއްޑޫ އެއަރޕޯޓަށް މޯލްޑިވިއަންގެ ޝެޑިއުލް ދަތުރުތައް މިއަދު ފަށައިފިއެވެ.
ދިވެހި ޤައުމީ އެއަރލައިން އައިލެންޑް އޭވިއޭޝަނުން އޮޕަރޭޓްކުރާ މޯލްޑިވިއަންގެ ޝެޑިއުލް ދަތުރުތައް ކޫއްޑޫއަށް ފަށާފައި މިވަނީ ކޫއްޑޫ އެއަރޕޯޓް މިއަދު ރަސްމީކޮށް ހުޅުވުމާ ގުޅިގެން ކަމަށް އައިލެންޑް އޭވިއޭޝަނުން ބުނެއެވެ.
ދިވެހިރާއްޖޭގެ 6 ވަނަ ޑޮމެސްޓިކް މަންޒިލްގެ ގޮތުގައި ހުޅުވުނު ކޫއްޑޫ އެއަރޕޯޓަށް މަދުވެގެން ދުވާލަކު އެއްދަތުރު ކުރާގޮތަށް މިހާރު ހަމަޖެހިފައިވާ ކަމަށާއި، އެހެންނަމަވެސް ޑިމާންޑް އިތުރުވާ ވަރަކަށް ދަތުރުތައްވެސް އިތުރު ކުރާގޮތަށް ނިންމާފައިވާ ކަމަށް އައިލެންޑް އޭވިއޭޝަނުން މަޢުލޫމާތު ދެއެވެ.
ކޫއްޑޫއަށް ދަތުރުކުރަން ބޭނުންވާ ފަރާތްތަކުން އައިލެންޑް އޭވިއޭޝަންގެ ޓިކެޓް އޮފީހާ ގުޅައިގެން ނުވަތަ މޯލްޑިވިއަންގެ އެޖެންޓުން މެދުވެރިކޮށް ޓިކެޓް ގަތުމުގެ ފުރުސަތު ހުޅުވާލެވިފައިވާ ކަމަށްވެސް އެކުންފުނިން ބުނެއެވެ.