ޖަލުގައި މަރާމާތެއް ކުރާތީ ގޭބަންދަށް ބަދަލުކޮށްފައި ހުންނެވި ދިއްގަރު ދާއިރާގެ މެމްބަރު އަހްމަދު ފާރިސް މައުމޫން ޖަލަށް ބަދަލުކޮށްފި އެވެ.
ފާރިސް މިއަދު ޖަލަށް ބަދަލުކޮށްފައިވާއިރު އޭނާގެ މައްޗަށް އުފުލާ ޝަހުސު އޮޅުވާލުމުގެ ދައުވާގެ އަޑުއެހުމ،ެއް މާދަމާ އަށް ވަނީ ތާވަލު ކޮށްފަ އެވެ.
ހުކުމަކާއި ނުލާ 85 ދުވަސް ޖަލުގައި ބަންދުކުރުމަށްފަހު ފާރިސް ގޭބަނަދަށް ބަދަލުކޮށްފައިވަނީ މިމަހުގެ 11 ވަނަ ދުވަހު އެވެ.
ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދެއްވަން އުޅުއްވި ކަމުގެ ތުހުމަތަށް، ކޯޓު އަމުރެއްގެ ދަށުން ފާރިސް ހައްޔަރުކުރީ މިދިޔަ ޖުލައި މަހުގެ 18 ވަނަ ދުވަހުއެވެ. ޝަރީއަތް ނިމެންދެން ފާރިސް ބަންދުކުރުމަށް އަމުރުކުރިއިރު، ފާރިސްގެ މައްޗަށް ތުހުމަތުކުރާ މައްސަލާގައި އޭރު ދައުވާވެސް އުފުލާފައެއް ނުވެ އެވެ.