ކުޑަ ފިރިހެން ކުދިންނާއި ބެހޭ މީހާ ދޫކޮށްލުމަށް، ބޭނުންވާ ފޭކް މިޑިކަލް ޑޮކިޔުމެންޓް ހުށައެޅުމަށް މަޖިލީސް މެމްބަރު އަލީ މޫސާއަށް އިރުޝާދު ދެއްވީ ރައީސް މުއިއްޒުގެ ފަރާތުންކަން ދިޔަވަރު ނޫހަށް ހާމަވެއްޖެއެވެ. މި އިރުޝާދު ރައީސް މުއިއްޒުގެ ފަރާތުން ދެއްވާފައިވަނީ ހޯރަފުށި ދާއިރާގެ މެމްބަރު އަލީ މޫސާއަށެވެ. އަލީ މޫސާއަކީ އެއްޖިންސުން ގުޅުން ހިންގާ އަދި ކުޑަ ފިރިހެންކުދިންނާއި ބެހޭ މި މުޑުދާރު މީހާގެ އާއިލާ މީހެކެވެ.
މިގޮތަށް އިރުޝާދު ދީފައިވަނީ މިކަން ކޮށްފައިވަނީ އުސޫލެއްގެ ތެރެއިން ކަން ދެއްކުމަށެވެ. މިއީ ސަރުކާރުން ވައްކަން ކުރުމުގައިވެސް ރައީސް މުއިއްޒު ގެންގުޅުއްވާ ވައްޓަފާޅިއެވެ.
މީނާ “ގޭ ބަންދުގެ” ނަމުގައި މުޖުތަމަޢު އަށް ދޫކޮށްލި ޚަބަރު ސޯޝަލް މީޑިޔާއިން އާންމުވުމާއި ގުޅިގެން ސަރުކާރުގެ އެތައް މިތަނުން މިހާރު ވަނީ ނޫސް ބަޔާން ނެރެފައެވެ.
ކުޑަކުއްޖަކާއި ބެހިގެން ޖަލަށް ލާފައިވާ ފިރިހެން ކުޅީގެ މީހެއް ޖަލުން ދޫކޮށްލުމަށް ސަރުކާރުން މިފަހަރު ކުޅުނީ “ބަލި މީހެއްގެ” ޑްރާމާއެވެ. މިކަމަށް ބޭނުންވާ ލިޔެކިޔުންތައް އައިޖީއެމްއެޗް އިން ނުލިބުމުން، ހޯދާފައިވަނީ ރާއްޖެއިން ބޭރުން ކުޑަ ފައިސާ ކޮޅެއް ދީގެންނެވެ.
ޖަލުގައި ތިބި ކިޑްނީ (ސީ.ކޭ.ޑީ) ބަލިމީހުންނަށް މިނަރަލް ފެން ބޭނުންކުރަން ޑޮކްޓަރުން ލަފާދީފައި ވީނަމަވެސް، އެމީހުން ގެއަށް ދޫކޮށްނުލައި، އާދައިގެ ފެން ދީގެން ޖަލުގައި ބަހައްޓާފައި އެބަތިއްބެވެ. ޖަލުގައި ޓައިޕް 2 ޑައިބެޓީސް ބަލި މީހުންނާއި، ހިތުގައި ސްޓެންޓް ލާފައި ތިބި ބަލިމީހުން އެބަތިއްބެވެ. ނަމަވެސް “ގޭ ބަންދަށް” މިފަދައިން ދޫކޮށް ނުލައެވެ. ފައި ނުވަތަ ކަށި ބިންދާލައިގެން ޕްލާސްޓަރ އަޅާފައި ތިބި މީހުންވެސް ޖަލުގައި އެބަތިެވެ. އެކަމަކު އެމީހުން ގެއަކަށް ދުލެއް ނުކުރެއެވެ. އެހެންނަމަވެސް، ޕީއެންސީގެ މަޖިލީސް މެމްބަރު ޢަލީ މޫސާގެ ގާތް ތިމާގެ މީހެއް ކަމަށްވާ ހާޝިމް އަބޫބަކުރު، އުނަގަނޑުގެ ރިހުމުން އާރާމުކުރުމަށް، ބޭރު ޤައުމަކުން ނަގާފައިވާ “ދޮގު” މެޑިކަލް ލިޔުމެއްގެ މައްޗަށް ބިނާކޮށް ވަނީ ގެއަށް ދޫކޮށްލާފައެވެ. އޭނާ ރާއްޖެއިން ބޭރަށް ގެންދިޔަ ހަމައެކަނި ސަބަބަކީވެސް މި “ދޮގު” ލިޔުން ހޯދުމަށެވެ.
މިވާހަކަ އޮއްބާލުމަށް މިހާރު ދަނީ މާދަމާ ޖަލު ރެއިޑް ކުރުމަށް ސަރުކާރުން ތައްޔާރުވަމުންނެވެ. އޭރުން އާ ހެޑްލައިންތަކެއް ހަދާލެވި، މުއިއްޒުގެ އަނިޔާވެރި އަމަލުގެ މަތިން ރައްޔިތުން ނިކަން އަވަހަށް ހަނދާން ނައްތާލެވޭނެއެވެ.