އަންހެނުންގެ ލޯންގްކޯސް 200 މީޓާ އިންޑިވިޖުއަލް މެޑްލޭ އިވެންޓުގެ ޤައުމީ ރެކޯޑް މިރާލް ޢައިން ލަތީފް އައު ކޮށްފިއެވެ. ސިންގަޕޫރުގައި މިހާރު ކުރިއަށްދާ 22ވަނަ ވޯލްޑް އެކުއަޓިކްސް ޗެމްޕިއަންޝިޕްގައި މިރާލް މިރެކޯޑް އާކޮށްފައިވަނީ 02:44.3 އިން ރޭސް ނިންމައިގެންނެވެ. އަންހެނުންގެ 200 މީޓަރު ފެތުމުގެ ގައުމީ ރިކޯޑު މިރާލް ވަނީ ދާދިފަހުން މުގުރާލާފައެވެ. މީގެކުރިން ތަޒްކިޔާ މިރުޝާދު (ތަޒްކީ) އަތުގައި އޮތް މި ރިކޯޑު މިރާލް އައުކޮށްފައިވަނީ 02:45.93 އިން ރޭސް ނިންމައިގެންނެވެ. މި ރިކޯޑު ހަދާފައިވަނީ އިނގިރޭސިވިލާތުގައި ކުރިއަށްދިޔަ ޑެވަން ކައުންޓީ ޗެމްޕިއަންޝިޕުގައެވެ.