އަންނަ މާޗު މަހުގެ 10 ވަނަ ދުވަހު ބޭއްވުމަށް ނިންމާފައިވާ އިންޓަރ ސްކޫލް ނެޓްބޯޅަ މުބާރާތުގައި ބައިވެރި ވުމުގެ ފުރުސަތު ހުޅުވާލައިފި އެވެ.
ނެޓްބޯލް އެސޯސިއޭޝަން އޮފް މޯލްޑިވްސް އިން އިންތިޒާމްކޮށްގެން ބާއްވާ މި މުބާރާތުގައި ބައިވެރިވުމަށް އެދޭ ސްކޫލުތަކަށް އެފުރުސަތު ހުޅުވާލެވިފައިވާ ކަމަށާއި އަދި މުބާރާތުގައި ބައިވެރިވުމަށް އެދޭ ފަރާތްތަކުން ފޯމް މިހިނގާ ފެބްރުއަރީ މަހުގެ 18 ވަނަ ދުވަހުގެ 2:00 ގެ ކުރިން އެ އެސޯސިއޭޝަނަށް ހުށަހެޅުމަށް އެދޭ ކަމަށް އެ އެސޯސިއޭޝަނުން ކުރި އިއުލާނެއްގައި ވަނީ ބުނެފަ އެވެ.
ހަތަރު އުމުރުފުރާ އަކަށް ހުޅުވާލައިގެން ބާއްވާ މި މުބާރާތުގައި ބައިވެރިވެވޭނެ އުމުރުފުރާ ތަކަކީ 12 އަހަރުން ދަށް، 14 އަހަރުންދަށް، 16 އަހަރުންދަށް އަދި 19 އަހަރުންދަށުގެ އުމުރުފުރާ ތަަކަށެވެ.
މި މުބާރާތަކީ ނެޓްބޯލް އެސޯސިއޭޝަންގެ ކަލަންޑަރުގައި މިއަހަރު ހިމެނިގެން ބޭއްވުމަށް ހަމަޖެހިފައިވާ ފުރަތަމަ މުބާރާތެވެ. މި މުބާރާތުގެ އިތުރުންވެސް މިއަހަރުގެ ކަލަންޑަރުގައި އެ އެސޯސިއޭޝަނުން ވަނީ ގިނަ މުބާރާތްތަކެއް ހިމަނާފައެވެ.