ވެލާނާ އިންޓަނޭޝަނަލް އެއާޕޯޓުން މިއަދު ހެނދުނު ކަރަންޓް ކެނޑުމަށް ފަހު، 30 މިނެޓެއްހާއިރު ފަހުން އަލުން ކަރަންޓުދީފި އެވެ.
މިއަދު ހެނދުނު 9:00 ޖަހާއެހާކަންހާ އިރު އެއެއާޕޯޓްގެ ބޮޑު ބަޔަކުން ކަރަންޓް ކެނޑި އެއާޕޯޓް ހުއްޓުމަކަށް އައި އިރު އެމްއޭސީއެލް އިން ބުނީ، އަނބުރާ ކަރަންޓް ދީ އަލުން ހިދުމަތް ދޭން ފެށިފައި ވަނީ 30 މިނެޓެއްހާ އިރުފަހުން ކަމަށެވެ.
އެއާޕޯޓުން ކަރަންޓު ކެނޑުނުތާ މާގިނަރުތަކެއް ނުވެ އިންޓަނޭޝަނަލް ޓާމިނަލަށް ކަރަންޓު ވަނީ ދީފައި، ނަމަވެސް ޑޮމެސްޓިކް ޓާމިނަށް ކަރަންޓު ލިބިފައިވަނީ ގަޑިއިރެއްހާއިރު ފަހުންނެވެ.
މިއަދު ހެނދުނު ކަރަންޓު ކެނޑުމުގެ ސަބަބުން ޑޮމެސްޓިކް ފްލައިޓްތަކުގެ އޮޕަރޭޝަންތަކަށް ވަރަށް ބޮޑަށް ވަނީ ބުރޫ އަރާފައެވެ.
އެމްއޭސީއެލްއިން ބުނީ، މިއަދު ހެނދުނު 9 ޖަހާކަށްހާއިރު އެއާޕޯޓުން ކަރަންޓު ދިޔަ ކަމަށާއި ނަމަވެސް މިހާރު މުޅި އެއާޕޯޓަށް އަލުން ކަރަންޓު ދީފައިވާ ކަމަށެވެ.
ކަރަންޓު ދިޔުމާ ގުޅިގެން ފްލައިޓްތަކުގެ ޝެޑިއުލަށް ބުރޫ އަރައި، ޑޮމެސްޓިކް ފްލައިޓްތައް ޑިލޭ ވެފައިވާކަމަށް އެމްއޭސީއެލް އިން ބުނެއެވެ. އަދި އެއަރޕޯޓުން ކަރަންޓު ކެނޑުމާ ގުޅިގެން ފަސެންޖަރުންނަށް ވަނީ އެއާޕޯޓްގައި ގިނަ އިރުތަކެއް ވަންދެން މަޑުކުރަން ޖެހިފައެވެ.