ހޯމް މިނިސްޓަރ އުމަރު ނަސީރު ބަންދުގައި ބަހައްޓައިގެން ކޯޓަށް ހާޒިރުކުރުމަށް ފުލުހުންގެ މައްޗަށް ކްރިމިނަލްކޯޓުން ނެރުނު އަމުރު އިސްތިއުނާފްކުރުމަށް ހައިކޯޓަށް ހުށައަޅައިފިއެވެ.
 
މި މައްސަލަ ހައިކޯޓަށް ހުށައަޅާފައިވަނީ މިއަދުއެވެ. އެހެންނަމަވެސް އެނގިފައިވާ ގޮތުގައި މި މައްސަލަ އަދި ހައިކޯޓުން ބަލައިގެންފައެއްނުވެއެވެ.
 
އުމަރު ނަސީރު ބަންދުގައި ބަހައްޓައިގެން ކޯޓަށް ހާޒިރްކުރުމަށް އަމުރު ނެރެފައިވަނީ ދައުލަތުން އެނާގެ މައްޗަށް އުފުލާފައިވާ އަމުރަށް ނުކިޔަމަންތެރިވުމުގެ ކުށުގެ ދައުވާގެ ޝަރީއަތުގެ ދެ އަޑުއެހުމަކަށް ހާޒިރުނުވުމުންނެވެ.
އުމަރު ބަންދުގައި ބަހައްޓައިގެން ކޯޓަށް ހާޒިރުކުރުމަށް އަމުރު ނެރުނީ ރާއްޖެއަށް އެތެރެކުރާ މަސްތުވާތަކެތި ދެނެގަތުމަށް ބޭނުންވާ ކުއްތާ ހޯދުމުގެ މަޝްވަރާތަކަށް ރަސްމީ ދަތުރުފުޅެއްގައި ނެދަލެންޑްސްގައި ހުންނަވަނިކޮށެވެ. މި ދަތުރުފުޅު ނިންމަވާލެއްވުމަށް ފަހު ރާއްޖެ ވަޑައިގަންނަވާނީ މަދާމާގެ ވަގުތެއްގައެވެ.
 
ދައުލަތުން އުމަރު ނަސީރާދެކޮޅަށް އުފުލާފައިވާ ދައުވާގައި ބުނެފައިވަނީ  ދެހާސް ބާރަވަނައަހަރުގެ ޖެނުއަރީ 23ވަނަ ދުވަހުގެ ރޭ އެމްއެމްއޭ ކައިރިޔަށް އެއްވެ މުޒާހަރާ ކުރަމުންދިޔަ މީހުންނާ މުޚާޠަބްކޮށް މުޒާހަރާ ކުރުމުގެ ބަދަލުގައި މުޒާހަރާގެ ހަރަކާތަކަށް ބަދަލުކޮށް ދިވެހި ސިފައިނަށް ދަތިކުރުމަށް ގޮވާލާ ދިވެހި ރާއްޖޭގެ އަމަން އަމާންއާމަށް ގެއްލުމެއް ލިބިދާނެ ވާހަކަ ދައްކާފައިވާކަމަށް ބުނެއެވެ. 
 
މި ދައުވާއަށް އުމަރުނަސީރު ވަނީ އިންކާރުކުރައްވާފައެވެ.