ކަރަންޓް ސަބްސިޑީއަށް އަލުން ރަޖިސްޓްރީ ކުރުމުގެ ފުރުސަތު ނެޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) އިން މިއަދު ހުޅުވާލައިފި އެވެ.
ކަރަންޓް ސަބްސިޑީއަށް އަލުން ރަޖިސްޓްރީ ކުރުމުގެ ފުރުސަތު ހުޅުވާލައިފަ ވަނީ މިއަދުން ފެށިގެން އޭޕްރީލް މަހުގެ ނުވަވަނަ ދުވަހުގެ ނިޔަލަށެވެ.
އެމުއްދަތުގެ ތެރޭގައި ރަޖިސްޓްރީ ނުކުރާ ފަރާތްތަކަށް ކަރަންޓް ސަބްސިޑީ ދިނުން ހުއްޓާލާނެ ކަމަށްވެސް އެންސްޕާއިން ވަނީ ބުނެފަ އެވެ.
ކަރަންޓް ސަބްސިޑީއަށް އެދުމުގެ ފުރުސަތު އަލުން ހުޅުވަލައިފަވާއިރު، ސަބްސިޑީ ލިބެންނުޖެހޭ ފަރާތްތަކަށް ލިބެމުންދާ ކަމަށް އެންސްޕާއިން ވަނީ ބުނެފަ އެވެ. އޭގެ ތެރޭގައި މުއްސަނދިންނާއި ވިޔަފާރިވެރިން ހިމެނެއެވެ.