މއ. ޔެލޯ ޑައިމަންޑް ގެއިން ވަގަށް ނެގި މޯބައިލް ފޯނަކާއި ފައިސާތަކެއް ފުލުހުން ހޯދައި އެވައްކަން ކުރި ކަމުގެ ތުހުމަތުގައި މީހަކު ހައްޔަރުކޮށްފި އެވެ.
ފުލުހުން ބުނީ އޮގަސްޓް 13 ވަނަ ދުވަހުގެ ހެނދުނު 06:20 ހާއިރު ހިނގި ކަމަށް ބެލެވޭ މިވައްކަމާއި ގުޅިގެން ފުލުހުން ކުރި މަސައްކަތުން ވަގަށް ނަގާފައިވާތަކެތި ފެނިފައިވަނީ މިމައްސަލައިގެ ތުހުމަތުގައި ފުލުހުންގެ ބެލުމުގެ ދަށަށް ގެނެސްފައިވާ މީހާ ދިރިއުޅޭ ކޮޓަރިތެރޭ ފޮރުވާފައި ހުއްޓާ ކަމަށެވެ.
މިވައްކަން ކުރި ކަމުގެ ތުހުމަތުގައި ފުލުހުންގެ ބެލުމުގެ ދަށަށް ގެނެސްފައިވަނީ އުމުރުން 32 އަހަރުގެ ފިރިހެނެކެވެ.
އެގެއިން ވަގަށް ނަގާފައިވާ ތަކެތީގެ ތެރޭގައި ހިމެނެނީ ނޮކިއާ ފޯނަކާއި 150 އެމެރިކާ ޑޮލަރާއި 1810 ދިވެހި ރުފިޔާ ހިމެނޭ ކަމަށް ފުލުހުން ބުނެ އެވެ.
މިމައްސަލަ މޯލްޑިވްސް ޕޮލިސް ސާރވިސްއިން ދަނީ ތަޙްޤީޤް ކުރަމުންނެވެ.