ލޯކަލް ކައުންސިލްތަކަށް އަދިވެސް ބޮޑަށް ބާރުދޭންޖެހޭ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
އެކްސްގައި ކުރެއްވި ޕޯސްޓެއްގައި ނަޝީދު ވަނީ މިއަދު ހުވާކުރެއްވި ހުރިހާ ކައުންސިލް އަދި އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުގެ މެމްބަރުންނަށް މަރުހަބާ ދަންނަވާފަ އެވެ.
ލޯކަލް ކައުންސިލްތައް މި ހޮވުނީ 5 ވަނަ ފަހަރަށް ކަމަށާއި ކައުންސިލްތައް މިހާރު ވަނީ ވަރަށް ބޮޑުތަނުން ގާބިލުކަން އިތުރުކޮށްފައި ކަމަށް ނަޝީދު ވިދާޅުވި އެވެ. އެގޮތުން ކަތީބުން ރަށު އޮފީސްތައް ހިންގި ޒަމާނުގެ ހަނދާނެއް ވެސް މިހާރު ނެތް ކަމަށާއި ކައުންސިލްތަކަށް މާބޮޑަށް އަދިވެސް ބާރު ދޭންޖެހޭ ކަމަށްވެސް ނަޝީދު ވިދާޅުވި އެވެ.
Miadhu huvaa kurehvi hurihaa Council adhi Women’s Development Council thakuge membarunnah nuhanu marhaba!
Local Council thah mi hovunee 5 vana faharah. Council thah mihaaru e vanee varah boduthanun qaabilukan ithuru koffa. Katheebun rashu office thah hingi zamaauge handhaanves…
— Mohamed Nasheed (@MohamedNasheed) May 17, 2026
އާ ކައުންސިލަރުން ހުވާކުރެއްވުމުގެ ރަސްމިއްޔާތު މިއަދު ބޭއްވީ މިހާރު ތިއްބެވި ކައުންސިލަރުންގެ ފަސް އަހަރުގެ ދައުރު ހަމަވާ ދުވަހަކީ މިއަދު ކަމަށް ވާތީ އެވެ.
މިފަހަރު ކައުންސިލްތަކަށް 681 މެމްބަރުންނާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކަށް ހޮވި 681 މެމްބަރުންނާ އެކު ދެ އިންތިހާބުގައި ޖުމްލަ 1،362 މެމްބަރުން ވަނީ ހޮވައިފަ އެވެ.