މިދިޔަ މަހު އަވަހާރަވި ދައުލަތުގެ ހިދުމަތްތެރިޔާ އުމަރު ޒާހިރުގެ ހިދުުމަތްތަކާ ގުޅޭ ވާހަކަތައް ހިއްސާކޮށް، އޭނާގެ ހަނދާންތައް އާކުރުމަށް ކްލަބްހައުސް ސެޝަނެއް އަންނަ ހޮނިހިރު ދުވަހުގެ ރޭ ބާއްވަން ނިންމައިފި އެވެ.
ތަފްސީލް - ހޮނިހިރު ދުވަހުގެ ރޭ 9ގައި ކްލަބްހައުސް މެދުވެރިކޮށް ބާއްވާ މި ސެޝަންގައި، ގައުމަށް ހިދުމަތް ކުރެއްވުމުގައި އުމަރު ޒާހިރު ގެންގުޅުއްވި ހަމަތަކާއި އުސޫލުތައް އަދި ނެރުއްވި ނަތީޖާއާ ގުޅޭ ގޮތުން ވާހަކަ ދައްކާނެ އެވެ.
އެ ސެޝަންގައި ޕެނަލިސްޓުގެ ގޮތުގައި ބައިވެރިވެވަޑައިގަންނަވާނީ:
ކުރީގެ މިނިސްޓަރު އައްބާސް އިބްރާހިމް
ހައުސިން މިނިސްޓަރު މުހައްމަދު އަސްލަމް
އިސްމާއިލް ޝަފީގު
ކުރީގެ ލެފްޓިނެންޓް ކާނަލް އިބްރާހިމް ލަތީފް
ޕޮލިސް ބޯޑުގެ މެމްބަރު އަދި އެމްޑީޕީގެ އިސް މެމްބަރެއް ކަމަށްވާ ހާމިދު އަބްދުލްގަފޫރު
އިބްރާހިމް ފަޔާޒު
އެނގުން މުހިއްމު - އުމުރުފުޅުން 85 އަހަރުގައި، އުމަރު ޒާހިރު އަވަހާރަވީ ކޮވިޑަށް ފަރުވާ ހޯއްދަވަމުން ގެންދަވަނިކޮށް މިދިޔަ މަހުގެ 20ގަ އެވެ.
އުމަރު ޒާހިރަކީ 50 އަހަރަށް ވުރެ ގިނަ ދުވަހު ގައުމަށް ގިނަ ހިދުމަތްކުރެއްވި، ދައުލަތުގެ މަތީ މަގާމްތަކެއް ފުރުއްވި ބޭފުޅެކެވެ. ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި މިނިސްޓަރުކަމުގެ ޒިންމާތައް އުފުއްލެވި އެވެ. ގައުމީ ބޮޑެތި މަޝްރޫއުތައް ހިންގެވުމާއި އެ މަސައްކަތްތައް ހިނގާނުހިނގާ ގޮތް ބެއްލެވުމާއި އިޖުތިމާއީ އަދި ގައުމީ ވަރަށް ގިނަ ކަންކަމުގައި ހަރަކާތްތެރިވެވަޑައިގަތުމުގެ ލާމަސީލު މިސާލެކެވެ.  
އުމަރު ޒާހިރު އަދާކުރެއްވި މުހިންމު ބައެއް މަގާމުތައް:
ދާހިލިއްޔާގެ މަގާމުތައް 
އައްޑޫ ގަމުގެ ލިއެޒަން އޮފީހުގެ ވަޒީފާ
މަޖީދިއްޔާގެ ހެޑްމާސްޓަރުކަން
ރޭޑިއޯ މޯލްޑިވްސްގެ ވެރިޔާ
ބަނޑޮސް ރިސޯޓްގެ މެނޭޖަރު (ސަރުކާރުގެ ވަޒީފާއެއް ނޫން)
އެޑިއުކޭޝަން މިނިސްޓަރުގެ ނައިބު
ހޯމް މިނިސްޓަރުގެ ނައިބުކަން
އުމަރު ޒާހިރު އަދާކުރެއްވި ސަރުކާރުގެ އިސް މަގާމުތައް:
މާލޭ މުނިސިޕަލްޓީގެ ރައީސް: 1980-1993
މިނިސްޓަ އޮފް ހޯމް އެފެއާޒް އެންޑް ސޯޝަލް ސާވިސަސް: 1983-1988
މިނިސްޓަ އޮފް ހޯމް އެފެއާޒް އެންޑް ސްޕޯޓްސް: 1988-1993
މިނިސްޓަ އޮފް ކޮންސްޓްރަކްޝަން އެންޑް ޕަބްލިކް ވާކްސް: 1993-2004
މިނިސްޓަ އޮފް ހޯމް އެފެއާޒް: 2004-2005
ސީނިއަ މިނިސްޓަރު: 2005-2008
އުމަރު ޒާހިރު ކުރެއްވި ހާއްސަ ހިދުމަތްތައް:
1960ގެ އަހަރުތަކުގައި، ރާއްޖެއަށް ފުރިހަަމަ މިނިވަންކަން ހޯދުމަށް ކުރި ގައުމީ ރޫހާއި ޖޯޝާއި ފޯރީގެ މަސައްކަތްތަކުގެ އިސް ސަފުގައި
މަޖީދިއްޔާގައި އިލްމީ، އަހްލާގީ ނަމޫނާ ދަރިވަރުން ބިނާކުރެއްވުން
މާލޭގެ ތަރައްގީގެ ބޮޑެތި ހުރިހާ މަސައްކަތްތައް
މާލޭ މަގުހެދުމުގެ މަޝްރޫއު
މާލޭގެ އެއްގަމުތޮށި އަދި ކަނޑުތޮށީގެ މަޝްރޫއު
ހުޅުމާލެ މަޝްރޫއު
ކުނި ނައްތާލުމުގެ މަޝްރޫ އާއި ކަމާ ބެހޭ މަސައްކަތްތައް
ތިލަފުށި ހިއްކުމާއި އެކަމާ ގުޅޭ އެންމެހާ މަސައްކަތްތައް
ފުވައްމުލަކު ބަނދަރުގެ މަޝްރޫއު
ރަށްރަށުގެ ބަނދަރުގެ މަސައްކަތްތައް
އިތުރަށް ކިޔާލަން -
އުމަރު ޒާހިރު: މިވަރުގެ ޝަހުސިއްޔަތެއް ރާއްޖޭގައި މަދުވާނެ