މޫސުމާ ބެހޭ ގައުމީ އިދާރާ (މެޓް) އޮފީހުގައި 47 އަހަރު ޚިދުމަތްކުރެއްވުމަށް ފަހު، އެ އޮފީހުގެ ޑެޕިއުޓީ ޑިރެކްޓަރު ޖެނެރަލް އަލީ ޝަރީފް މިއަދު މަގާމުން ރިޓަޔާކުރައްވައިފިއެވެ. އޭނާއަށް 2024 ވަނަ އަހަރު ވަނީ ގައުމީ ޚިދުމަތުގެ އިނާމު ވެސް ލިބިވަޑައިގެންފައެވެ. ޖުމުލަ 47 އަހަރުގެ ޚިދުމަތަށް ފަހު މިއަދު އަލީ ގެއަށް ވަޑައިގެންނެވުމުން މޫސުމާ ބެހޭ އިދާރާއިން ނެރުނު ބަޔާނެއްގައި ބުނީ، އޭނާއަކީ ފުރަތަމަ ތަމުރީނުވި ވެދާ ފޯކާސްޓަރު ކަމަށެވެ. ރާއްޖޭގައި ފުރަތަމަ ކަނޑާއި އޭވިއޭޝަންގެ ފޯކާސްޓްތައް ނެރެން ފެއްޓެވީ އޭނާއެވެ. އަލީ ޝަރީފް ކެރިއަރުގެ ކުރީކޮޅު: އޭނާ ވަނީ މިއަދު ރިޓަޔާކުރައްވާފައިި -- އަލީ ޝަރީފް، މޫސުމާ ބެހޭ އިދާރާގެ ވަޒީފާއާ ގުޅިވަޑައިގަތީ 1978 ވަނަ އަހަރުގެ ފަހު ކޮޅެވެ. މެޓް އޮފީހުން ބުނީ، އޭނާ ޚިދުމަތްކުރެއްވި ދިގު މުއްދަތުގެ ތެރޭގައި ސަރަހައްދާއި ބައިނަލްއަގުވާމީ މޫސުމާ ބެހޭ އިދާރާތަކާ އެކު ގާތް ގުޅުމެއް ބާއްވަން މަސައްކަތްކޮށްފައިވާ ކަމަށެވެ. އެ ކަމުގެ ސަބަބުން މެޓް އޮފީހަށް ގިނަ ކުރިއެރުންތައް ހޯދުނުކަން އެ އޮފީހުން ފާހަގަކުރިއެވެ. އަލީ ޝަރީފް: އޭނާ ވަނީ މެޓް އޮފީހުން 47 އަހަރަށް ފަހު ރިޓަޔާކުރައްވާފައި -- އޭޝިއާއާއި އެފްރިކާގައި ގުޅުވާލެވިފައިވާ މަލްޓި ހެޒާޑް އާލީ ވާނިން ސިސްޓަމްތައް ބަހައްޓަން ކުރި މަޝްވަރާތަކުގައި ވެސް އަލީ އިސް ދައުރެއް އަދާކުރެއްވި ކަމަށް މެޓް އޮފީހުގެ ބަޔާނުގައިވެއެވެ. މިއަދު 47 އަހަރު ފަހުން މަގާމުން ރިޓަޔާކުރެއްވިއިރު އަލީ ޝަރީފަކީ މެޓް އޮފީހުގެ ޑެޕިއުޓީ ޑިރެކްޓަރު ޖެނެރަލެވެ.