ޅ. ހިންނަވަރު ގެއަކުން ވަގަށް ނަގާފައިވާކަމަށް ބެލެވޭ ގަހަނާތަކެއް ހޯދައި މީހަކު ހައްޔަރުކޮށްފިއެވެ.
އެ މައްސަލައާއި ގުޅިގެން ހައްޔަރުކޮށްފައިވަނީ އުމުރުން 21 އަހަރުގެ ދިވެހި ފިރިހެނެކއެވެ.
އޭނާ ހައްޔަރުކޮށްފައިވަނީ މިމަހުގެ 15 ވަނަ ދުވަހުގެ ރޭ ހިންނަވަރު ޕޮލިސް ސްޓޭޝަނަށް ހުށަހެޅި ވައްކަމުގެ މައްސަލައަކާ ގުޅިގެން ކޯޓު އަމުރެއްގެ ދަށުން އެރޭ 10:50 ހާއިރު އޭނާ ދިރިއުޅޭ ގެއިންނެވެ.
ފުލުހުން ބުނި ގޮތުގައި ވަގަށް ނަގާފައިވާ ގަހަނާތައް ހޯދާފައިވަނީ ބިދޭސީއަކަށް ވިއްކާލާފައި ވަނިކޮށެވެ. ވަގަށް ނަގާފައިވަނިކޮށް ހޯދި ދެ ރަން ފަށާއި ތިން ރަން އަނގޮޓި މިހާރު އެތަކެތީގެ ވެރިފަރާތާ ހަވާލުކޮށްފައިވާ ކަމާށްވެސް ފުލުހުން ބުނެއެވެ.
އެ މައްސަލައާ ގުޅިގެން ހައްޔަރުކުރި މީހާގެ ބަންދާމެދު ގޮތެއް ނިންމުމަށް ޅ. ނަައިފަރު މެޖިސްޓްރޭޓް ކޯޓަށް ހާޒިރުކުރުމުން ހޯމް މިނިސްޓްރީން ކަނޑައަޅާ ތަނެއްގައި ބަންދުގައި ބަހައްޓައިގެން ތަހުގީގު ކުރިއަށް ގެންދަން ހަތް ދުވަހުގެ މުއްދަތެއް ވަނީ ދީފައެވެ.