ދެކުނު ސޫދާނުގެ ވެރިރަށް ޖުބާގައި ބަޑީގެ ވަރުގަދަ ހަމަލާތަކެއް ދީފިއެވެ.
ބުރާސްފަތި ދުވަހުގެ ރޭ މި ހަމަނުޖެހުން ހިނގީ ކުރީގެ އިންޓެލިޖެންސް ވެރިޔާ ހައްޔަރުކުރަން ސަލާމަތީ ބާރުތަކުން މަސައްކަތްކުރުމާ ގުޅިގެންނެވެ.
ރޯއިޓަރސްގެ ނޫސްވެރިންނާއި އދ. ގެ މުވައްޒަފުންނަށް ފޮނުވި އިންޒާރެއްގައި ބުނެފައިވާ ގޮތުން، ބަޑީގެ ހަމަލާތައް ބަދަލުކުރެވެން ފެށުނީ ރޭގަނޑު 7 ޖަހާއިރުއެވެ. އަދި ގަޑިއިރަކަށްވުރެ ގިނަ ވަގުތު ހަނގުރާމަ ކުރިއަށް ގޮސްފައިވެއެވެ.
މި ހަނގުރާމަ ހިނގީ ނެޝަނަލް ސެކިއުރިޓީ ސަރވިސް (އެންއެސްއެސް) ގެ ކުރީގެ ވެރިޔާ ހައްޔަރުކުރުމާ ގުޅިގެންކަމަށް އދ. އިން މުވައްޒަފުންނަށް ފޮނުވި އިންޒާރުގައި ބުނެފައިވެއެވެ. އަދި އދ. ގެ މުވައްޒަފުންނަށް ރައްކާތެރި ތަނެއްގައި ތިބުމަށް އަންގާފައިވެއެވެ.
އޮކްޓޯބަރު މަހުގެ ކުރީކޮޅު، ރައީސް ސަލްވާ ކީރް އިން ވަނީ 2011 އިން ފެށިގެން އެންއެސްއެސް ހިންގަމުން އައި އަކޯލް ކޯރ ކުކް ވަޒީފާއިން ވަކިކޮށް، އޭނާގެ ގާތް މީހަކު އެ މަޤާމަށް އައްޔަންކޮށްފައެވެ.
ސިފައިންގެ ތަރުޖަމާނު މޭޖަރ ޖެނެރަލް ލުލް ރުއާއި ކޯންގް ވިދާޅުވީ އަކޯލް ކުއަރ ހައްޔަރުކޮށްފައި ނުވާ ކަމަށާއި، ހަނގުރާމަ ހިނގަމުންދިޔައިރުވެސް އޭނާ ހުރީ އޭނާގެ ގޭގައި ކަމަށެވެ. އަދި ހުކުރު ދުވަހު އެހެން ސަލާމަތީ ވެރިންނާއެކު ބައްދަލުވުމަކަށްފަހު ނޫސްވެރިންނާ ވާހަކަދައްކާނެ ކަމަށް ކޯންގް ވިދާޅުވިއެވެ.
ތަޙުލީލުކުރާ ފަރާތްތަކުން ބުނާ ގޮތުގައި އަކޯލް ކޯރ ވަޒީފާއިން ވަކިކުރުމަކީ ސަރުކާރުގެ އެންމެ މަތީ ފަންތީގައި ހިނގަމުންދާ ސިޔާސީ ކޯލުންގަނޑެއްގެ ނަތީޖާއެކެވެ. މި ކަން ހިނގީ، ކީރް އިސްވެ ހުންނަވާ އިންތިޤާލީ ސަރުކާރުން ޑިސެންބަރު މަހު ބޭއްވުމަށް ހަމަޖެހިފައިވާ އިންތިޚާބު ދެވަނަ ފަހަރަށް ފަސްކުރުމަށް އިޢުލާންކުރިތާ ތަންކޮޅެއް ފަހުންނެވެ.
ކީރް އާއި ފުރަތަމަ ނައިބު ރައީސް ރިއެކް މަޗަރ އަށް ވަފާތެރި ވާދަވެރި ފަރާތްތަކުން 2013 އިން 2018 އަށް ހިންގި ބަޣާވާތުގައި ސަތޭކަ ހާހުން މީހުން މަރުވެފައިވެއެވެ.
Thiladhun © 2019 – 2023| Made with ❤️ in #Thiladhunmathi
Thiladhun © 2019 – 2022
Made with ❤️ in #Thiladhunmathi