ބޭންކް އޮފް މޯލްޑިވްސް (ބީއެމްއެލް)ގެ ސްޓާޓަޕް ގްރާންޓަށް އެދި ހުށަހެޅުމުގެ ފުރުސަތު އަންނަ އާދިއްތަ ދުވަހަށް ހަމަވާނެ އެވެ.
ބީއެމްއެލް އިސްލާމިކްގެ 10 ވަނަ އަހަރީ ދުވަހާ ގުޅުވައިގެން މި އަހަރުގެ ސްޓާޓަޕް ގްރާންޓުން 3 ވިޔަފާރިއަކަށް ހިލޭ އެހީ ދޭނެ އެވެ. މީގެ ކުރިން ސްޓާޓަޕް ގްރާންޓް ދިނީ 2 ވިޔަފާރިއަކަށެވެ.
ސްޓާޓަޕް ގްރާންޓް ހާސިލުކުރާ ކޮންމެ ފަރާތަކަށް:
ކޮންމެ ވިޔަފާރިއަކަށް 500،000ރ. ހިލޭ އެހީގެ ގޮތުގައި ލިބޭނެ 
ވިޔަފާރި ހިންގައި ކުރިއެރުވުމަށް ބޭނުންވާ ލަފާ ބޭންކުން ފޯރުކޮށްދޭނެ
ސްޓާޓަޕް ގްރާންޓަށް އެދި ހުށަހެޅުމަށް:
އާންމު ފަރުދުންނާއި އަލަށް ރަޖިސްޓްރީކޮށްފައިވާ ވިޔަފާރިތަކަށް ވެސް މި ގްރާންޓަށް އެދި ހުށަހެޅޭނެ 
އަންނަ އާދިއްތައިގެ ހަވީރު 4ގެ ކުރިން [email protected]އަށް އީމެއިލް މެދުވެރިކޮށް ހުށަހެޅޭނެ 
ބީއެމްއެލް އިން ސްޓާޓަޕް ގްރާންޓް ތައާރަފްކުރީ 2022ގަ އެވެ. މިއީ ރާއްޖޭގައި ވިޔަފާރިއެއް ފެށުމަށް ނުވަތަ ފުޅާކުރުމަށް ފަންޑު ހޯދުމަށް މަގުފަހިކޮށްދިނުމަށް ކުރިއަށްގެންދާ ޕްރޮގްރާމެކެވެ.