އީރާނުގެ ރޫހާނީ ލީޑަރު އަވަހާރަކޮށްލުމާ ގުޅިގެން ޕާކިސްތާނުގައި ހުންނަ އެމެރިކާގެ ކޮންސިއުލޭޓަށް ބަޔަކު މިއަދު ވަދެގަނެ ހިންގި ހަމަނުޖެހުންތަކުގައި މަދުވެގެން 6 މީހުން މަރުވެއްޖެ އެވެ.
ޕާކިސްތާނުގެ ބަނދަރުމަތީ ސިޓީއެއް ކަމަށްވާ ކަރާޗީގައި ހުންނަ އެމެރިކާގެ ކޮންސިއުލޭޓަށް ސަތޭކައަށް ވުރެ ގިނަ މުޒާހަރާގެ ބައިވެރިން ވަދެގަތުމާ ގުޅިގެން، ފުލުހުންނާއި މުޒާހަރާގެ ބައިވެރިންނާ ދެމެދު ހިނގި ކުރިމަތިލުންތަކުގައި މަދުވެގެން ހަ މީހުން މަރުވެފައިވާ ކަމަށް ކަމާބެހޭ ފަރާތްތަކުން ވަނީ ބުނެފަ އެވެ.
މި ހަމަނުޖެހުންތައް ހިނގަން މެދުވެރިވީ، އެމެރިކާ އާއި އިޒްރޭލުން އިއްޔެ އީރާނަށް ދިން ހަމަލާތަކެއްގައި އެ ގައުމުގެ ރޫހާނީ ލީޑަރު އާޔަތުއްލޯ އަލީ ހާމަނާއީ އަވަހާރަކޮށްލުމާ ގުޅިގެން އުފެދުނު ނުތަނަވަސްކަމުގަ އެވެ. ކަރާޗީގެ ފުލުހުންނާއި ހޮސްޕިޓަލުގެ އޮފިޝަލުން ވިދާޅުވި ގޮތުގައި، މި ކުރިމަތިލުންތަކުގައި އިތުރު އަށް މީހަކު ވަނީ ޒަހަމްވެފަ އެވެ.
ކަރާޗީ ފުލުހުން ބުނި ގޮތުގައި، މުޒާހަރާގެ ބައިވެރިން މިހާރު ވަނީ އެ ސަރަހައްދުން ދުރުކޮށްފަ އެވެ. އަދި މިހާރު އެ ސަރަހައްދުގެ މަސްރަހު އޮތީ ކޮންޓްރޯލްގެ ދަށުގަ އެވެ.
ކަރާޗީއަކީ ޕާކިސްތާނުގެ ދެކުނުގައި އޮންނަ ސިންދު ޕްރޮވިންސްގެ ވެރިރަށެވެ.