އަދާލާތު ޕާޓީ މަޖިލީހަށް ވާދަކުރާ ދާއިރާތަކުގެ ތެރެއިން އެޕާޓީން ޕްރަައިމަރީ ބާއްވަން ހަމަޖެއްސި ހަމައެކަނި ދާއިރާ ކަމުގައިވާ ރ. އިނގުރައިދޫ ދާއިރާގެ ޕްރައިމަރީގެ ވޯޓުލުން ބާއްވައިފިއެެވެ.
ވީނިއުސް އަށް މައުލޫމާތު ދެއްވަމުން އަދާލާތު ޕާޓީގެ އިންތިހާބާ ބޭހޭ ކޮމިޓީގެ ރައީސް މުހައްމަދު އަލީ ވިދާޅުވީ އަދާލާތު ޕާޓީ މިފަހަރު އިންތިހާބަށް ކުރިމަތިލާ ދާއިރާތަކުގެ ތެރެއިން ދެ ކެންޑިޑޭޓުން ކުރިމަތިލާފައިވަނީ ހަމަ އެކަނި އިނގުރައިދޫ ދާއިރާއަށް ކަމަށެވެ.
އެހެންކަމުން އިނގުރައިދޫގެ ޕްރައިމަރީގައި ވާދަކުރެއްވީ ރ. އިންނަމާދޫ، ނޫރާނީގެ، އަލީ ޝަރީޕާއި، ރ. ކިނޮޅަސް، ފެހިވިލާ، އަޙްމަދު ޙުސައިން ކަމަށެވެ
އިނގުރައިދޫ ދާއިރާގެ ޕްރައިމަރީގެ ވޯޓުލުން ކުރިއަށް ގެންދިޔައީ މިއަދު ހެނދުނު 9:00 އިން ފެށިގެން މެންދުރުފަހު 3:00 އަށެވެ.