ހުޅުމާލޭގެ ބައެއް ސަރަހައްދުތަކުން ކަރަންޓު ކެނޑެން މެދުވެރިވި މައްސަލަ ހައްލުކޮށް އެސަރަހައްދުތަކަށް އަލުން ކަރަންޓު ދީފައިވާކަމަށް ސްޓެލްކޯ އިން ބުނެފި އެވެ.
ހުޅުމާލެ ދެވަނަ ފިޔަވަހީގެ ހިޔާ ފްލެޓްތަކާއިއެކު ހުޅުމާލޭ ބައެއް ސަރަހައްދުތަކުން މިއަދު ހެނދުނު ކަރަންޓް ކެނޑުނީ ހުޅުމާލޭގެ ވިނަރެސް ފްލެޓް ސަރަހައްދުގައި މަސައްކަތްކުރަމުން ދިޔަ ބައެއްގެ އަތުން އެ ސަރަހައްދުގެ ކަރަންޓު މައި ކޭބަލަކަށް ލިބުނު ގެއްލުމަކާއި ގުޅިގެންނެވެ.
ސްޓެލްކޯ އިން ބުނީ، ގެއްލުން ލިބުނު ކޭބަލް މަރާމާތުކުރުމަށްފަހު މިހާރު އެސަރަހައްދުތަކަށް ކަރަންޓު ދީފައިވާ ކަމަށެވެ.
ހުޅުމާލޭ ދެވަނަ ފިޔަވަހިން ގެއްލުންވެފައިވާ ކޭބަލް މަރާމާތު ކުރުމަށްފަހު މިހާރު ވަނީ ކަރަންޓުގެ ހިދުމަތް ނުލިބި ހުރި ހުރިހާ ސަރަހައްދަކަށް އަލުން ކަރަންޓު ދެވިފައި. ދިމާވި ދަތިތަކަށް މާފަށް އެދެން.
— STELCO (@STELCOMALDIVES) May 31, 2023
ހުޅުމާލޭގައި މަސައްކަތްކުރާ ބައެއް ކޮންޓްރެކްޓަރުން މަގު ކޮނުމުގެ ތެރޭގައި ކަރަންޓު ކޭބަލްތަކަށް ގެއްލުންވެ، ކަރަންޓު ކެނޑުމުގެ މައްސަލަ ދޭތެރެދޭތެރެއިން ދިމާވެއެވެ. ސްޓެލްކޯއިން ބުނެފައިވަނީ، ހުޅުމާލޭގައި މަގުތައް ކޮނުމުގެ މަސައްކަތްކުރާ ކޮންޓްރެކްޓަރުންނަށް ކޭބަލް ރޫޓްތަކާއި ގުޅުންހުރި ހުރިހާ މައުލޫމާތެއް އެ ކުންފުނިން ފޯރުކޮށްދީފައިވާނެ ކަމަށެވެ.
Your email address will not be published. Required fields are marked *
Comment *
Name
Email
Website
© 2022 Gaafu.mv. All rights reserved.