ހއ. ހޯރަފުށީފައި ހުންނަ މޯލްޑިވިއަންގެ އޮފީސް ފަޅާލައި ވައްކަންކޮށްފި އެވެ.
ވީ ކިހިނެއް؟ - ފުލުހުން 'ދައުރު' އަށް މިއަދު ބުނި ގޮތުގައި އެ އޮފީހުގެ ދޮރު ހަލާކުކޮށްލައިގެން ވަދެ ވައްކަން ކޮށްފައިވާ މައްސަލައެއް ހުށަހަޅާފައި ވަނީ ރޭ ދަންވަރު 4 ޖަހާ އެހާކަންހާއިރު އެވެ.
ތަފްސީލް - ފުލުހުން ބުނީ މިހާތަނަށް ބެލިބެލުމުން އެ އޮފީހުން ވަގަށް ނަގާފައިވަނީ ކާގޯ ދެ ފޮށިގަނޑުކަން އެނގިފައިވާ ކަމަށެވެ. އެ މައްސަލައާ ގުޅިގެން މީހަކު ހައްޔަރުކޮށްފައިނުވާ ކަމަށް ވެސް ބުންޏެވެ. އަދި މައްސަލަ ދަނީ ތަހުގީގު ކުރަމުން ކަމަށް ވެސް ބުންޏެވެ.