ރައްޔިތުން އަތުން ނަގާ ޓެކްސް 27 އިންސައްތަ ކުރާގޮތަށް ސްރީލަންކާގެ އަންނަ އަހަރުގެ ބަޖެޓް ފާސްކޮށްފިއެވެ.
ބަޖެޓުގައިވާ ގޮތުން 12.36 ބިލިއަން ޑޮލަރު ޓެކްސްގެ ގޮތުގައި ސަރުކާރަށް އިތުރަށް ނަގާނެއެވެ. ބަޖެޓުގައި ވަނީ ދިގު މުއްދަތުން ޤައުމުގެ އިޤްޠިޞާދު ރަނގަޅުކުރުމަށް ގިނަ ކަންތައްތަކެއް ހުށަހަޅައިފައެވެ.
ބަޖެޓު ފާސްކުރުމަށް ވޯޓު ދީޯފައިވަނީ 155 މެންބަރުންނެވެ، ބަޖެތާއި ދެކޮޅަށް 55 މެންބަރުން ވަނީ ވޯޓުދީފައެވެ. 4 މެންބަރަކު ވަކިކޮޅަކަށް ވޯޓުދީފައެއް ނުވެއެވެ.
ސްރީލަންކާއަށް ކުރިމަތިވެފައިވާ މާލީ ދަތިތަކުން އަރައިގަތުމަށް މިއަހަރުވެސް ވަނީ އިތުރު ޓެކްސްތަކެއް ތަޢާރަފްކޮށްފައެވެ. އެކަމާއި ގުޅިގެން ރައްޔިތުން ވަނީ މުޒާހަރާތައްވެސް ކޮށްފައެވެ.
ރައީސް ސިރިސޭނަގެ ސަރުކާރުން ބުނަނީ މިފަދަ ދަތިތަކެއް ކުރިމަތިވީ ރައީސް ޜާޖަޕަކްސަގެ ވެރިކަމުގައި ދައުލަތުގެ ގިނަ އަދަދެއްގެ ފައިސާއިން ވައްކަންކޮށްފައިވާތީ ކަމަށެވެ.