ކުއްލި ނުރައްކަލުގެ ހާލަތުގެ ގަރާރު ފާސްކުރަން ރައްޔިތުންގެ މަޖިލީހުގައި ބާއްވާ ޖަލްސާގައި 43 މެމްބަރުން ހާޒިރުވެ ތިބުން ލާޒިމްނުވާ ކަމަށާއި އެހެންވެ، ކުއްލި ހާލަތުގެ މުއްދަތު އިތުރުކުރަން މިދިޔަ ހަފުތާގައި މަޖިލީހުން ނިންމި ނިންމުން ރަނގަޅު ކަމަށް ސުޕްރީމް ކޯޓުން މިރޭ ލަފާ ދީފި އެވެ.
ސުޕްރީމް ކޯޓުން އެގޮތަށް ލަފާ ދިނީ އެކަމުގައި ސުޕްރީމް ކޯޓުގެ ލަފައަކަށް މަޖިލީހުން އެދުމުންނެވެ. ކުއްލި ހާލަތުގެ މުއްދަތު އިތުރުކޮށް، ގަރާރު ފާސްކުރަން މަޖިލީހުން މިދިޔަ ހަފުތާގައި ފާސްކުރީ 38 މެމްބަރުންގެ ވޯޓުންނެވެ.