ދިވެހިރާއްޖޭގެ ގައުމީ އެއަރލައިން، މޯލްޑިވިއަން ހިންގާ އައިލެންޑް އެވިއޭޝަން ސާވިސް (އައިއޭއެސް) ގެ ބޯޑުގެ ޗެއަރމަން ކަމަށް އަހުމަދު ޝަފީއު އައްޔަންކޮށްފިއެވެ.
އައިލޭންޑް އެވިއޭޝަންގެ ބޯޑުގެ ޗެއަރމަންކަމަށް ޝަފީއު އައްޔަންކޮށްފައިވާއިރު، އޭނާ އަންނަނީ ހަޔަރ އެޑިއުކޭޝަން މިނިސްޓްރީގެ ސްޓޭޓް މިނިސްޓަރުކަން ކުރައްވަމުންނެވެ.
އައިލޭންޑް އެވިއޭޝަންގެ ބޯޑުގެ ޗެއަރމަން މަގާމުގައި ކުރިން ހުންނެވީ އެކުންފުނީގެ މެނޭޖިންގް ޑިރެކްޓަރުކަން މިދިޔަ ސަރުކާރުގައި ކުރައްވާފައިވާ މުހައްމަދު މިހާދުއެވެ. މިހާދު ބޯޑުން ވަކިކޮށްފައިވަނީ މިދިޔަ އަހަރު އޯގަސްޓު މަހުއެވެ.