ތޫނު ހަތިޔާރުން ބިރުދައްކައިގެން ފޭރުނު މައްސަލައެއްގައި ހޯދަމުންދިއަ 3 މީހުންގެ ތެރެއިން ގއ. ކޮލަމާފުށި، ނިވައިދަށުގެ، ޢަލީ ރަފާޙް ރިޔާޟް (19އ) އާއި ސ. ހިތަދޫ، ޑިސެމްބަރު، ޙުސައިން ޝާނީޒް (21އ) ފުލުހުންގެ އިދާރާއަށް އަމިއްލައަށް ހާޒިރުވެއްޖެއެވެ. ފުލުހުން މިހާރު ދަނީ އެމީހުންގެ މައްޗަށް ތުހުމަތު ކުރެވޭ މައްސަލައާ ގުޅިގެން އިތުރަށް ސުވާލުކޮށް މައުލޫމާތު ސާފުލުކުރަމުންނެވެ.
ފުލުހުން ބުނީ މި މައްސަލާގައި ހޯދަން އިއުލާނުކުރި ލ. ގަން/ތުނޑި، ކީމިޔާގެ، ޙަސަން ރާޝިދު (20އ) އަދިވެސް ހާޒިރުނުވާތީ އޭނާ ހޯދުމުގެ މަސައްކަތް ފުލުހުން އަދިވެސް ދަނީ ކުރަމުން ކަމަށެވެ.
އެހެންކަމުން ޙަސަން ރާޝިދާބެހޭ އެއްވެސް މައުލޫމާތެއް ލިބިފައިވާ ފަރާތެއްވާނަމަ އެ މައުލޫމާތެއް މޯލްޑިވްސް ޕޮލިސް ސާވިސްގެ ސީރިއަސް އެންޑް އޮގަނައިޒްޑް ކްރައިމް ޑިޕާޓްމަންޓްގެ ނަންބަރު 9911099، ނުވަތަ ހޮޓްލައިން ނަންބަރު 3322111 އަށް ގުޅުއްވައި ހިއްސާކުރެއްވުމަށް ފުލުހުން އެދެއެވެ.
މިފަދަ މައްސަލަތަކާ ގުޅިގެން މަޢުލޫމާތު ދޭ ފަރާތްތައް ސިއްރުކޮށްދޭނެކަމުގެ ޔަޤީންކަން ފުލުހުން ދެއެވެ.. އަދި މިފަދަ ކަންކަމުގައި ރައްޔިތުންގެ ފަރާތުން ފުލުހުންނަށް ލިބެމުންދާ އެހީތެރިކަން ފާހަގަކޮށް ޝުކުރު ދަންނަވައެވެ.