ފައިސާގެ އިނާމުގެ ގޮތުގައި 25000 ޑޮލަރު ހުށަހަޅާފައިވާ ނޮވެލްޓީ ބުކް ފެއަރ އިއްޔެ ހަވީރު ހުޅުވައިފިއެވެ.
ނޮވެލްޓީން ބުނީ އިއްޔެ ހުޅުވި ބުކްފެއާ މިމަހުގެ 22 ވަނަ ދުވަހުގެ ނިޔަލަށް ކުރިއަށްގެންދިއުމަށް ހަމަޖެހިފައިވާކަމަށެވެ. އަދި މިއަދުން ފެށިގެން މި ފެއަރ މިމަހުގެ ބާވީސް ވަނަ ދުވަހުގެ ނިޔަލަށް ކޮންމެ ދުވަހަކުވެސް މެންދުރު ދެގަޑި ސުންމިނެޓުން ފެށިގެން ރޭގަނޑު ބާރަގަޑި ސުންމިނެޓަށް ހުޅުވިފައި ހުންނާނެކަމަށްވެސް އެފަރާތުން މައުލޫމާތުދެއެވެ. ނަމަވެސް 19ނަވާރަވާ ހޮނިހިރު ދުވަހު ފެއަރ ހުޅުވިފައި ހުންނާނީ ހެނދުނު ދިހަޔަކުން ރޭގަނޑު ބާރައަށް ކަމަށްވެސް ނޮވެލްޓީން މައުލޫމާތުދެއެވެ.
ނޮވެލްޓީ ބުކްފެއަރ އަށް 10 އަހަރު ފުރުން މިއަހަރު ފާހަގަކުރަމުންދާއިރުމިއަހަރު ބާއްވާ ފެއާގައި 70 އިންސައްތައާ ހަމައަށް ޑިސްކައުންޓްލިބިގެންދާނެ ކަމަށް އެފަރާތުން މައުލޫމާތުދެއެވެ.
 
 
މިއަހަރުގެ ފެއަރގައި ދެލައްކައަށްވުރެ ގިނަ ފޮތް ހުންނާނެ ކަމަށާއި 640އަށް ވުރެ ގިނަ ދިވެހި ފޮތް މިފަހަރުގެ ފެއަރގައި ލިބެންހުންނާނެ ކަމަށްނޮވެލްޓީ ބުކްޝޮޕުން މައުލޫމާތުދެއެވެ.  
މިއަހަރުގެ ފެއަރކުރިއަށްދަނީ ދަރުބާރުގޭ ރަންނަބަނޑޭރި މާލަމާއި ބިއްލޫރިމާލަމުގައެވެ.