މަރުތައް ތަހުގީގު ކުރާ ކޮމިޝަނުން ނެރެފައިވާ 121 ސަފުހާގެ ރިޕޯޓު އެއްކޮށް ވިދާޅުވެ ނިންމާފައިވާ ކަމަށާއި، ރިޕޯޓުގެ އެއްވެސް ބަޔެއްގައި ޑރ. ޝަހީމާ މެދު މަރާ ގުޅުން ހުރި ތުހުމަތެއް  ކޮށްފައިނުވާ ކަމަށް ކުރީގެ ހޯމް މިނިސްޓަރ އުމަރު ނަސީރު ވިދާޅުވެއްޖެއެވެ.
ޑޮކްޓަރ ޝަހީމް ބަދުނާމު ކުރައްވައި ރައީސް ނަޝީދު ދޮގު ވާހަކަތަކެއް ފަތުރާފައި ވަނީ އެ ރިޕޯޓް ރަނގަޅަށް ވިދާޅުނުވެ ކަމަށް ކުރީގެ ހޯމް މިނިސްޓަރ އުމަރު ނަސީރު ވިދާޅުވިއެވެ.
"މި ރިޕޯޓް އެއްކޮށް ކިޔާލުމުން އިނގެނީ އިސްލާމިކް މިނިސްޓަރެއްގެ ހައިސިއްޔަތުން ޑޮކްޓަރ ޝަހީމް އަމަލުކުރައްވާފައި ވަނީ ޢިލްމުވެރިންގެ މެދުގައި އުފެދުނު ހިޔާލު ތަފާތުވުމެއް ނައްތާލައްވާ، ހުރިހާ އިލްމުވެރިން އެކުވެރި ކުރެއްވުމަށެވެ. މިއީ އެމަނިކުފާނށް ޝުކުރުއަދާ ކުރެއްވުން ޙައްޤު މަސައްކަތެކެވެ" އުމަރު ނަސީރު ވިދާޅުވިއެވެ.
މުޅި ރިޕޯޓް ވިސްނައިގެ އެއްކޮށް ކިޔާ ދިރާސާކޮށްފައި ނޫނީ އެއްވެސް މީހަކާ ގުޅުވައިގެން ވާހަކަތައް ފެތުރުމަކީ އެއްވެސް މީހަކު ކޮށްގެންވާނެ ކަމެއް ނޫންކަން އުމަރު ނަސީރު ވިދާޅުވިއެވެ.