މި ސަރުކާރަކީ ޒިންމާދާރު އަދި ޖަވާބުދާރީވާ ސަރުކާރެއް ކަމަށް ހޯމް މިނިސްޓަރ އުމަރު ނަސީރު ވިދާޅުވެއްޖެއެވެ.
މިނިސްޓަރ ދާދި ދެންމެއަކު ކުރެއްވި ޓްވީޓެއްގައި ވިދާޅުވެފައި ވަނީ ރައްޔިތުންގެ އަޑު އިވި، ފެނިފައި ވާކަމަށެވެ.
މިނިސްޓަރ މިފަދައިން ޓްވީޓް ކުރައްވާފައި ވާއިރު، ލަންކާގައި ހުންނަވާ މުޒާހަރާގެ ބައިވެރިންނާ ވާހަކަދައްކަވަމުން ޖޭޕީގެ ލީޑަރު ޤާސިމް އިބްރާހިމް ވަނީ ސަރުކާރަށް ޑިމާންޑް ތަކެއް ހުށަހަޅުއްވާފައެވެ.
އަދި މުހުލަތެއް ދިނުމަށްފަހު މުޒާހަރާ ނިންމާލާފައި ވަނީ ޑިމާންޑްތަކަށް ސަރުކާރުން ޖަވާބުދާރީ ނުވާނަމަ އަލުން ނުކުންނާނެ ކަމަސް ބުނުމަށްފަހުގައެވެ.