ސިފައިންގެ ޢާއިލާތަކުގެ މެދުގައި ގުޅުން ބަދަހިކުރުމަށް ކޮންމެ އަހަރަކުވެސް ބާއްވަމުން އަންނަ ސިފައިންގެ ޢާއިލީ ހަވީރު މާދަމާ ނިންމާލާނެކަމަށް އެމްއެންޑީއެފުންބުނެފިއެވެ.
އިއްޔެއިން ފެށިގެން ކުރިއަށްދާ މި ޢާއިލާ ހަވީރު ކުރިއަށްދަނީ ކަޅުތުއްކަލާ ކޮށީގައެވެ.
ސިފައިންގެ ޢާއިލާތަކުގެ ކުޑަކުދިންނަށް އަމާޒުކޮށްގެން ކުރިއަށްގެންދާ މިޢާއިލީ ހަވީރުގައި ކުޑަކުދިންނަށް ޚާއްޞަކޮށްގެން ތަފާތު ގޭމްތަކާއި، ލަވަކިޔުމާއި، މުނިފޫހިފިލުވުމުގެ ހަރަކާތްތައް ކުރިއަށްގެންދާކަމަށް އެމްއެންޑީއެފުންބުނެއެވެ.
އަދި މިހަވީރުގައި ކުރިއަށްދާ ސްޓޯލްތަކުގެ ތެރޭގައި، ބިރުވެރި ހޮހޮޅަ، ވީޑިއޯ ގޭމް ކުޅުން، ބަޑިޖެހުން، އެންގްރީ ބާޑް، މިލީ ގޮލްފް، ބާސްކެޓް، ބޯވްލިންގ، ގޯލްޖެހުން، ދަޅުވެއްޓުން އަދި މޭޒް ފަދަ ސްޓޯލްތައް ވަނީ ހިމަނާފައެވެ. އަދި ރެޕަލް ކުރުމާއި، ޑްރަމް ޖެހުމާއި، ފެންޖެހުންފަދަ ހަރަކާތްތަކާއި ސިފައިންގެ ޔުނިފޯމްގައި ފޮޓޯ ނެގުންފަދަ ހަރަކާތްތައް ކުޑަކުދިންނަށް ކުރިއަށްގެންދެއެވެ. މީގެ އިތުރުން ޢާއިލީ ހަވީރަށް ޚާއްޞަކޮށްގެން ކެންޓީނުތަކެއްވެސް ހުޅުވާފައިވާކަމަށް އެމްއެންޑީއެފުންބުނެއެވެ.