ޖުމުހޫރީ ޕާޓީގެ ލީޑަރު ގާސިމް އިބުރާހިމްގެ ދަރިކަލުން އިބްރާހީމް ސިޔާދު ގާސިމް ހައްޔަރުކޮގެން އުޅެނީ ގާނޫނާއި ހިލާފަށް ކަމަށްވާތީ ސިޔާދު މިނިވަންކޮށް ދޫކޮށްލެއްވުމަށް އަނެއްކާވެސް ރައީސް ނަޝީދު ގޮވާލައްވައިފި އެވެ.
ރައީސް ނަޝީދު މިކަމަށް ގޮވާލެއްވީ އިބްުރާހިމް ސިޔާދު ގާސިމް ޝަރީއަތް ނިމެންދެން ބަންދުގައި ބެހެއްޓުމަށް ކުރިމިނަލް ކޯޓުން ކުރި އަމުރާއި ގުޅިގެން އިނގިރޭސި ބަހުން ކުރެއްވި ޓްވީޓެއްގަ އެވެ.
ރައީސް ނަޝީދުގެ ޓުވީޓުގައި ވިދާޅުވީ އިބުރާހިމް ސިޔާދު ގާސިމް ހައްޔަރުކޮށްފައި ވަނީ ގާނޫނާއި ޚިލާފަށް ކަމަށާއި، އޭނާ ވެވަޑަިއގެންފައި ވަނީ ރައީސް ޔާމީނުގެ ސިޔާސީ ބަދަލު ހިއްޕެވުމުގެ ޝިކާރައަކަށް ކަމަށެވެ. އަދި ވަގުތުން ސިޔާދު މިނިވަން ކުރުމަށްވެސް ރައީސް ނަޝީދު ގޮވާލައްވާފައިވެ އެވެ.
އިބުރާހިމް ސިޔާދު ޤާސިމްގެ މައްޗަށް ރިޝްވަތު ދިނުމުގެ ދައުވާކޮށްފައި ވާއިރު، ސިޔާދުގެ ބަންދާއި ގޮތެއް ނިންމުމަށް ކުރިމިނަލް ކޯޓަށް ހާޟިރުކޮށް ރޭ ވަނީ ބަންދުގެ މުއްދަތު ޖަހާފައެވެ. އެސްއޯއީ މިރޭ ނިމޭއިރު އެސްއޯއީގެ ދަށުން ކަމަށް ބުނެ ހައްޔަރު ކުރި މީހުން ކޯޓަށ ްހާޟިރުކޮށް ޝަރީއަތް ނިމެންދެން ވަނީ ޖަލުގައި ބަންދުކުރުމަށް މުއްދަތު ޖަހާފައެވެ.
ސިޔާސީ ބޭބޭފުޅުންވެސް ތުހުމަތު ކުރައްވާ ގޮތުގައި ރައީސް ޔާމީނުގެ ސަރުކާރުން އިބުރާހިމް ސިޔާދު ޤާސިމް ހައްޔަރުކޮށް އޭނާގެ މައްޗަށް ނުހައްޤުން ދައުވާތައް އުފުލަމުން ގެންދަނީ، ރައީސް ޔާމީނަށް މިވެރިކަން ހޯއްދަވައި ދެއްވި، ޤާސިމް އިބުރާހިމް އިސްލާހަށް ކުރައްވާ މަސައްކަތްތައް ހުއްޓުވާލުމުގެ ބޭނުމުގައެވެ.