މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީޒް (މަޓީ) އިން ކޯސްޓް ގާޑަށް ކަނޑު އަޑި ހޯދައި ބެލުމުގެ ގާބިލްކަން ލިބިފައިވާ ރޮބަޓެއް މިއަދު ހަދިޔާ ކޮށްފި އެވެ.ބަންޑާރަ ކޮށީގައި ބޭއްވި ރަސްމިއްޔާތެއްގައި މަޓީގެ ފަރާތުން މި ރޮބަޓު ހަަދިޔާކުރެއްވީ އެ އެސޯސިއޭޝަންގެ ޗެއާމަން އުމަރު މަނިކު (އެމްޔޫ މަނިކު) އެވެ. ސިފައިންގެ ފަރާތުން އެ ރޮބަޓާ ހަވާލުވެވަޑައިގަތީ ޑިފެންސް މިނިސްޓަރު މޫސާ އަލީ ޖަލީލެވެ.މިއަދު ބަންޑާރަ ކޮށީގައި އޮތް ރަސްމިއްޔާތުގައި އެމްއެންޑީއެފްގެ ހިދުމަތުގެ އަގުވަޒަންކުރުމުގެ ގޮތުން މަޓީން ހަނދާނީ ފިލައެއް އަރުވަނީ.-- ހަވީރު ފޮޓޯ: ނިޝާން އަލީ މިއީ 70،000 ޑޮލަރުގެ އަގުހުރި، 1500 ފޫޓު އަޑި ބެލުމުގެ ގާބިލްކަން ލިބިފައިވާ ރޮބަޓެއް ކަމަށް މަޓީން ބުންޏެވެ. އަދި ބުނީ، މި ބާވަތުގެ ރޮބަޓުގެ ބޭނުން، ދާދި ފަހުން ޖާވާ ކަނޑަށް ވެއްޓުނު އެއާއޭޝިއާގެ މަތިންދާ ބޯޓު ހޯދުމުގައި ވެސް ހިފާފައިވާ ކަމަށެވެ.