ރާއްޖޭގެ ބައެއް މީޑިއާތަކުން އިސްނަގައިގެން، ނޫސްވެރިން ޖަލަށްލުމާ ދެކޮޅަށް އަޑުއުފުލުމުގެ ގޮތުން 12 ގަޑިއިރުގެ "ބްލެކްއައުޓް" އެއް ކުރިއަށް ގެންގޮސްފިއެވެ. މި ހަބަރުގެ އިތުރުން އިއްޔެ ސުރުހީތަކުން ފާހަގަކޮށްލެވޭ ހަބަރުތައް ތިރީގައި އެވަނީ އެވެ. 
އަދަދު ނޫހުގެ ދެ ނޫސްވެރިޔަކު އަންނަނީ މިވަގުތު މާފުށީ ޖަލުގެ ތޭރިތަކު ތެރޭ ދުވަސްތައް ގުނަމުން. ރާއްޖޭގެ 12 ވަރަކަށް މީޑިއާ މީގައި ބައިވެރިވޭ. ނޫސްވެރިކަން ނުރައްކަލެއްގެ ތެރޭގައި އޮތް ކަމަށް ނޫސްވެރިން ދެކޭ.
ޖަލަށްލާފައިވާ ނޫސްވެރިން މިނިވަންކުރުމަށް ސަރުކާރަށް ބާރުއެޅުމަށް އެދި ކުރީގެ ތިން ރައީސުން ކަމަށްވާ މުހައްމަދު ނަޝީދު، އަބްދުﷲ ޔާމީން އަދި އިބްރާހިމް މުހައްމަދު ސޯލިހު ސޮއިކުރައްވައި ޑިޕްލޮމެޓިކް މިޝަންތަކަށް ސިޓީއެއް ފޮނުއްވައިފިއެވެ. މި މަސައްކަތަށް އެއްބާރުލުން ދިނުމަށް އިދިކޮޅު އެމްޑީޕީގެ ގައުމީ މަޖިލީހުން ވެސް މިހާރު ވަނީ ގަރާރެއް ފާސްކޮށްފައެވެ.
މިއަދު ފޮނުވި ސިޓީގައި ކުރީގެ ރައީސް މުހައްމަދު ނަޝީދު، އަބްދުالله ޔާމީން އަދި އިބްރާހިމް މުހައްމަދު ސޯލިހު ސޮއިކުރެއްވި އެވެ. މިއީ އެ ތިން ބޭފުޅުން ސޮއިކުރައްވައި މިގޮތަށް ފޮނުއްވި ފުރަތަމަ ސިޓީ އެވެ. މި ސަރުކާރުން ހަމަލާދެމުން އަންނަނީ ހަމައެކަނި ނޫސްވެރިކަމުގެ މިނިވަންކަަމަށް އެކަނި ނޫންކަން ތިން ރައީސުން ފާހަގަކުރެއްވި.
މިނިވަން މީޑިއާ ނެތިކޮށްލައި ނޫސްވެރިން ޖަލަށްލާ މައްސަލައިގައި، ގައުމު ހަމަމަގަށް އެޅުވުމަށް ކުރީގެ ތިން ރައީސުން ފަށްޓަވާފައިވާ މަސައްކަތަށް އެއްބާރުލުން ދިނުމަށް އެމްޑީޕީގެ ގައުމީ މަޖިލީހުން ވަނީ ފާސްކޮށްފައެވެ. މި މަސައްކަތުގައި ރައީސް ނަޝީދާއި، ރައީސް ޔާމީން އަދި ރައީސް ސޯލިހު ބައިވެރިވެވަޑައިގަންނަވާއިރު، މިކަމަށްޓަކައި މިހާރު ވަނީ ޚާއްސަ ކޮމިޓީއެއް އެކުލަވާލައި މަސައްކަތް ފަށާފައެވެ.
މާފުށީ ޖަލުގައި ބަންދުކޮށްފައިވާ ނޫސްވެރިން ކަމަށްވާ ލީވާން އާއި ޝަހުޒާން މިނިވަންކުރުމަށް ގޮވާލައި "ޕެއިންޓް ދަ ސޯޝަލް މީޑިއާ ރެޑް" ގެ ނަމުގައި ހާއްސަ ކެމްޕޭނެއް ފެށުމަށް ވަނީ ތައްޔާރުވެފައެވެ. ހަމައެއާއެކު، އެ ދެ ނޫސްވެރިންގެ މައްޗަށް އިއްވާފައިވާ ޖަލު ހުކުމާއި ޖޫރިމަނާގެ މައްސަލަ މިހާރު ވަނީ ހައިކޯޓުގައި އިސްތިއުނާފު ކޮށްފައެވެ.
މާފުށީ ޖަލުގައި ބަންދުކޮށްފައިވާ އަދަދު ނޫހުގެ ދެ ނޫސްވެރިން ކަމަށްވާ ލީވާން އާއި ޝަހުޒާން މިނިވަންކުރުމަށް ގޮވާލައި، "ޕެއިންޓް ދަ ސޯޝަލް މީޑިއާ ރެޑް" ގެ ނަމުގައި މިރޭ ހާއްސަ ކެމްޕޭނެއް ކުރިއަށްގެންދާނެއެވެ. އާއިލާތަކުން އިސްނަގައިގެން ހިންގާ މި ހަރަކާތުގައި ސޯޝަލް މީޑިއާގެ އެކި ޕްލެޓްފޯމްތަކުގައި ހޭޝްޓެގްތަކާއެކު ޝުއޫރު ފާޅުކުރުމަށް ވަނީ އެދިފައެވެ.
ލީވާން ކުށްވެރިވީ އަދަދުން ނެރުނު "އައިޝާ" ޑޮކިޔުމެންޓްރީގެ ވާހަކަދެއްކުން ހުއްޓުވުމަށް ކްރިމިނަލް ކޯޓުން ދިވެހި ރައްޔިތުންގެ މައްޗަށް ނެރުނު އަމުރު ރިޕޯޓުކުރުމުންނެވެ. އަދި ޝަހުޒާން ކުށްވެރިވީ ރައީސް މުހައްމަދު މުއިއްޒުއާ ސުވާލެއް ކުރުމުންނެވެ.
"އައިޝާ" ޑޮކިއުމެންޓްރީއާ ގުޅޭ ވާހަކަދެއްކުން މަނާކޮށް ކްރިމިނަލް ކޯޓުން ނެރުނު އަމުރު، އަދަދު ނޫހުގެ ސީއީއޯ ފިޔާޒު މޫސާގެ ފަރާތުން އިސްތިއުނާފު ކުރުމުން ހައިކޯޓުން އެ މައްސަލަ ބަލައިގަނެފިއެވެ. މިއީ ނޫސްވެރިކަމުގެ މިނިވަންކަމާ ގުޅޭ ގޮތުން ހިނގަމުންދާ މުހިންމު ގާނޫނީ ބަހުސެކެވެ.
"އައިޝާ" ޑޮކިއުމެންޓްރީއާ ގުޅޭ ވާހަކަދެއްކުން މަނާކޮށް ކްރިމިނަލް ކޯޓުން ނެރުނު އަމުރު، އަދަދު ނޫހުގެ ސީއީއޯ ފިޔާޒު މޫސާގެ ފަރާތުން އިސްތިއުނާފު ކުރުމުން ހައިކޯޓުން އެ މައްސަލަ ބަލައިގެންފިއެވެ. މި އަމުރު ކުރިން އެމްޖޭއޭ އިން އިސްތިއުނާފު ކުރި ނަމަވެސް، އެ ޖަމިއްޔާއަކީ މައްސަލައިގެ ހަސްމަކަށް ނުވާތީ ކޯޓުން އެފަހަރު މައްސަލަ ބަލައިނުގަތެވެ. ކްރިމިނަލް ކޯޓުގެ މި އަމުރަކީ މުޅި ރައްޔިތުންނަށް އަމާޒުކޮށް ނެރުނު އަމުރަކަށް ވާތީ، ގާނޫނީ މާހިރުންނާއި އާންމުންގެ ބޮޑެތި ފާޑުކިޔުންތަކެއް ވަނީ އަމާޒުވެފައެވެ.
ވ. އަތޮޅު ކަނޑުގެ އަޑީގެ ހޮހޮޅައެއްގައި ތާށިވެގެން މަރުވި އިޓަލީގެ ފަސް ޑައިވަރުންގެ ތެރެއިން ޑައިވް އިންސްޓްރަކްޓަރުގެ ހަށިގަނޑު މިއަދު ވަނީ އިޓަލީއަށް ފޮނުވާލާފައެވެ. އޭނާގެ ހަށިގަނޑު ގެންދިޔައީ ޓާކިޝް އެއާލައިންގައި ދޯހާ މަގުން މިލާނަށެވެ.
ވ. އަތޮޅު ކަނޑުގެ އަޑީގައި ހުރި ހޮހޮޅައެއްގައި ތާށިވެގެން މަރުވި އިޓަލީގެ ފަސް ޑައިވަރުންގެ ތެރެއިން، ޑައިވް އިންސްޓްރަކްޓަރު ޖިއަންލޫކާ ބެނެޑެއްޓީގެ ހަށިގަނޑު މިއަދު އޭނާގެ ގައުމަށް ފޮނުވާލައިފިއެވެ. މޯލްޑިވްސް އިންކް މެދުވެރިކޮށް އޭނާގެ ހަށިގަނޑު އިޓަލީއަށް ފޮނުވާލާފައިވާއިރު، މި ހާދިސާގައި މަރުވި އިތުރު ދެ މީހެއްގެ ހަށިގަނޑު މިއަދު ވަނީ މާލެ ގެނެސްފައެވެ.
ހޮހޮޅައިގައި ތާށިވިތާ ފަސް ދުވަސް ފަހުން، އިތުރު ދެ ޑައިވަރެއްގެ ހަށިގަނޑު ނަގައިގެން މިއަދު ވަނީ މާލެ ގެނެސްފައެވެ. މި އޮޕަރޭޝަން ކުރިއަށްގެންދަނީ އިޓަލީ ސަރުކާރުގެ އެހީތެރިކަމާއެކު ރާއްޖެ އައިސްފައިވާ ފިންލެންޑުގެ ތަޖުރިބާކާރު ކޭވް ޑައިވަރުންގެ ޓީމަކުންނެވެ.
ވާވު އަތޮޅު ކަނޑުއަޑީގެ ހޮހޮޅައެއްގައި ތާށިވި އިޓަލީގެ ހަތަރު ޑައިވަރުންގެ ތެރެއިން ދެ މީހެއްގެ ހަށިގަނޑު، ފިންލޭންޑުގެ ތަޖުރިބާކާރުންނާއި ދިވެހި ސިފައިން ގުޅިގެން ކުރި މަސައްކަތުން މިއަދު ވަނީ ނަގައިފައެވެ. މި ހާދިސާގައި ޖުމްލަ ހަ މީހުން މަރުވެފައިވާއިރު، އޭގެ ތެރޭގައި ރެސްކިއު އޮޕަރޭޝަނުގައި އުޅުނު ދިވެހި ސިފައިންގެ މީހަކުވެސް ހިމެނެއެވެ. ބާކީ ތިބި މީހުންގެ ހަށިގަނޑު ނެގުމުގެ މަސައްކަތް މޫސުން ތަންދޭނަމަ މާދަމާ ކުރިއަށްދާނެއެވެ.
މޯލްޑިވްސް އިސްލާމިކް ބެންކް (އެމްއައިބީ) ގެ އަހަރީ އާންމު ޖަލްސާ ބާއްވައި، ހިއްސާދާރުންނަށް ފައިދާގެ ގޮތުގައި 129.6 މިލިއަން ރުފިޔާ ބެހުމަށް ފާސްކޮށްފިއެވެ. މިއީ ކޮންމެ ހިއްސާއަކަށް 5.41 ރުފިޔާގެ ރޭޓުން ބަހާ ފައިދާއެކެވެ.
މޯލްޑިވްސް އިސްލާމިކް ބެންކް (އެމްއައިބީ) ގެ 16 ވަނަ އަހަރީ އާންމު ޖަލްސާގައި، ހިއްސާދާރުންނަށް ފައިދާގެ ގޮތުގައި 129.6 މިލިއަން ރުފިޔާ ބެހުމަށް ފާސްކޮށްފިއެވެ. މިއީ ކޮންމެ ހިއްސާއަކަށް 5.41 ރުފިޔާގެ މަގުންނެވެ. މީގެ އިތުރުން، މި ޖަލްސާގައި ބެންކުގެ މާލީ ބަޔާންތައް ފާސްކޮށް، ކުރިއަށް އޮތް އަހަރަށް އެކްސްޓާނަލް އޮޑިޓަރުން ވަނީ އައްޔަންކޮށްފައެވެ.
ސްރީލަންކާގައި ވަގަށް ޓީވީ ޗެނަލްތަކެއް ސްޓްރީމް ކުރަމުންދިޔަ މައްސަލައެއްގައި ދިވެއްސަކު ހިމެނޭހެން ދެ މީހަކު ކޮލަމްބޯއިން ހައްޔަރުކޮށްފިއެވެ. މި މީހުން މި މަސައްކަތް ކުރަމުންދިޔައީ ޓްރެވަލް ކުންފުންޏެއްގެ ނަމުގައި ފޮރުވިގެން ތިބެގެންނެވެ.
ސްރީލަންކާގެ ކޮލަމްބޯގައި ވަގަށް ޗެނަލްތައް ސްޓްރީމްކުރި މައްސަލައެއްގައި ދިވެއްސަކާއި އިތުރު މީހަކު އެގައުމުގެ ފުލުހުން ވަނީ ހައްޔަރުކޮށްފައެވެ. މި އޮޕަރޭޝަން ހިންގި ތަނުން 50 މިލިއަން ރުޕީސްގެ ސާމާނު އަތުލައިގަނެފައިވާއިރު، މިއީ ހައި ސެކިއުރިޓީ ޒޯނެއްގައި ޓްރެވަލް ކުންފުންޏެއްގެ ނަމުގައި ހިންގަމުންދިޔަ ކަމެކެވެ.