ޣައްޒާގެ ހުޅަނގު އައްސޭރިފަށުގެ މަގެއް ކަމަށްވާ އަލް ރަޝީދު މަގުން ކާރުގައި ދަތުރުކުރަނިކޮށް، އިސްރާއީލުން ދިން ވަރުގަދަ ޑްރޯން ހަމަލާއެއްގައި އަލްޖަޒީރާގެ ނޫސްވެރިޔާ މުޙައްމަދު ވިޝާހު ޝަހީދުކޮށްލައިފިއެވެ.
ނަސްލު ނައްތާލުމުގެ މި އަމަލުތައް ހުއްޓުވުމަށް އެމެރިކާގެ ވެރިންނާއި ބައިނަލްއަގްވާމީ މުޖުތަމައުން އެދެވޭ ފިިޔަވަޅެއް އަޅާފައި ނުވާތީ، ޣައްޒާގެ އޮފިޝަލުން ވަނީ އެކަމުގެ ކަންބޮޑުވުން ފާޅުކޮށްފައެވެ. ނޫސްވެރިން ހިމާޔަތްކުރުމަށްޓަކައި އިސްރާއީލަށް ބައިނަލްއަގްވާމީ ފެންވަރެއްގައި ފިއްތުންތައް ކުރިމަތިކުރުވަން ޖެހޭ ކަމަށްވެސް އެ އޮފީހުން ބުނެފައިވެއެވެ.