މެދުއިރުމަތީގައި ހިނގަމުންދާ ހަމަނުޖެހުންތައް އިތުރަށް ވަރުގަދަވެ، ދުނިޔޭގެ ބާޒާރުގައި ތެލާއި ގޭސް ސަޕްލައި ކުރުމަށް ހުރަސްތަކެއް ކުރިމަތިވެދާނެކަމުގެ ބިރު ބޮޑުވުމާ ގުޅިގެން، މިދިޔަ މެއި މަހަށްފަހު ފުރަތަމަ ފަހަރަށް ސާފުނުކުރާ ތެޔޮ ފީފާއެއްގެ އަގު 100 ޑޮލަރަށް އަރައިފި އެވެ.
ދުނިޔޭގެ ބާޒާރުގައި ތެލުގެ އަގު ކަނޑައަޅާ މިންގަނޑެއް ކަމަށްވާ ބްރެންޓް ކުރޫޑްގެ އަގު ބުރާސްފަތި ދުވަހު ވަނީ ހަ ޕަސެންޓަށްވުރެ ބޮޑަށް އުފުލިފަ އެވެ. މިއީ އެމެރިކާއިން އިރާނަށް އަމާޒުކޮށް ދެމުންދާ އަސްކަރީ ހަމަލާތައް ވަރުގަދަކުރުމާ ގުޅިގެން ފާއިތުވި ދުވަސްތަކުގައި ތެލުގެ އަގަށް އަންނަމުންދިޔަ ބަދަލުތަކުގެ ތެރެއިން ފާހަގަކޮށްލެވޭ ބޮޑުވުމެކެވެ. ހާއްސަކޮށް ޔަމަނުގެ ހޫތީ ހަނގުރާމަވެރިން ރަތްކަނޑުން ދަތުރުކުރާ ތެޔޮ ޓޭންކަރުތަކަށް ހަމަލާދޭން ފެށުމަކީ ސައުދީ އަރަބިއްޔާއިން ތެޔޮ އެކްސްޕޯޓް ކުރުމަށް ބޭނުންކުރާ މުހިންމު މަގަކަށް އޮތް ބޮޑު ނުރައްކަލެކެވެ.
Yes Maldives Pvt Ltd
Enterprise Development Industrial Pvt Ltd
MU STORE
MU STORE
ތެލުގެ އަގުގެ އިތުރުން ގޭހުގެ އަގުވެސް ވަނީ ފާއިތުވި މަހެއްހާ ދުވަހުގެ ތެރޭގައި މައްޗަށް ގޮސްފަ އެވެ.
އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯ ވިދާޅުވި ގޮތުގައި އިރާނުގެ ވެރިން މިވަގުތު ތިބީ އެއްބަސްވުމަކަށް އަންނަ ގޮތަކަށް ނޫނެވެ.
މި ހަމަނުޖެހުންތަކުގެ ސަބަބުން ދުނިޔޭގެ ގިނަ ގައުމުތަކެއްގެ އިންފްލޭޝަން މައްޗަށް ގޮސް، އާންމު މުދަލާއި ހިދުމަތުގެ އަގު ބޮޑުވުމުގެ ބިރު ވަނީ ހީވެފަ އެވެ. ތެލުގެ އަގު ބޮޑުވުމުން ޕެޓްރޯލާއި ޑީސަލްގެ އަގު އުފުލުމުގެ އިތުރުން، މުދާ އުފުލުމުގެ ހަރަދު ބޮޑުވުމުގެ ސަބަބުން ކާބޯތަކެއްޗާއި އެހެނިހެން ތަކެތީގެ އަގުވެސް އުފުލިގެންދާނެ އެވެ. 
ކްއިލްޓާ ޝެވިއޮޓްގެ އިންވެސްޓްމަންޓް މެނޭޖަރު ޖޮނަތަން ރޭމަންޑް ވިދާޅުވި ގޮތުގައި، ހަކަތައިގެ އަގު ބޮޑުވުމަކީ މަރުކަޒީ ބޭންކުތަކަށް ކުރިމަތިވާނެ ބޮޑު ގޮންޖެހުމެކެވެ. އަގުތައް މަތީގައި ހުންނަނަމަ، އިންފްލޭޝަން ކޮންޓްރޯލް ކުރުމަށްޓަކައި އިންޓްރެސްޓް ރޭޓް މަތިކޮށް ބަހައްޓަން މަޖުބޫރުވާނެއެވެ. މިއީ ލޯނު ނަގާފައިވާ ފަރާތްތަކަށް ލިބޭނެ ވަރަށް ބޮޑު ދަތިކަމެކެވެ.
އެމެރިކާގެ ފެޑަރަލް ރިޒާވްގެ އައު ޗެއާމަން ކެވިން ވޯޝް ވިދާޅުވީ އިންފްލޭޝަން މަތީގައި ހުރުމަށް އެ ބޭންކުން ފުރުސަތު ނުދޭނެ ކަމަށެވެ. ރައީސް ޑޮނަލްޑް ޓްރަމްޕް އިންޓްރެސްޓް ރޭޓް ދަށްކުރުމަށް ބާރުއަޅުއްވަމުން ގެންދެވި ނަމަވެސް، މެދުއިރުމަތީގެ ހާލަތާ ގުޅިގެން އަގުތަކަށް އަންނަ ބަދަލުތަކަށް ބަލައި ފެޑަރަލް ރިޒާވުން ވަނީ އިންޓްރެސްޓް ރޭޓް މިވަގުތު ހުރި މިންވަރުގައި ހިފަހައްޓާފައެވެ. އިގްތިސާދީ މާހިރުން ލަފާކުރާ ގޮތުގައި އިންޓްރެސްޓް ރޭޓަށް ބަދަލެއް އަންނާނީ ހަކަތައިގެ އަގުތައް ދަށްވާން ފެށުމުންނެވެ.