"އަޅުގަނޑުގެ މަންމައަކީ ތަފާތު މައްސަލަތައް ކުރިމަތިވެ ހިނގައި ނުއުޅެވޭ އަންހެނެކެވެ. މަންމަ ގޮވައިގެން ރަމަޟާން މަހުގެ ޢުމުރާއަށް ދާންއުޅުމުން އެންމެންހެން ބުނީ މީހުން ވަރަށް ގިނަވާނެ ކަމަށާއި ތިއަކަން ކުރަން ނުއުޅުން މާރަނގަޅުވާނެ ކަމަށެވެ.
އެވާހަކަތައް އަޅުގަނޑަށް އިވުނު ކަމަކަށް ނުހަދަމެވެ. މަންމަ ގޮވައިގެން ދިއައީއެވެ. އެކަން ކުރެވުނުކަން ވެގެން ދިއައީ ލެއްވެވި ވަރަށް ބޮޑު ރަޙްމަތަކަށެވެ. އެއީ މީހުންތައް ފިތި ބާރުވެގެން ޠަވާފް ނުކުރެވިގެން އުޅުނުއިރުވެސް ފުރޮޅުލީ ގޮނޑި ދުއްވާ ސަރަޙައްދުގައި ޙަރަކާތްތެރިޥާން ތަންކޮޅެއް ފަސޭހަވުމުންނެވެ. ތަންކޮޅެއް ފަސޭހައިން ޠަވާފްކޮށް ނަމާދުކުރެވުނީތީއެވެ."
މިއަހަރު މަންމަ ގޮވައިގެން ޢުމުރާއަށް ދިއަ 3 އަންހެނެއްގެ ކިބައިން މިގޮތަށް ވަނީ މައުލޫމާތު ލިބިފައެވެ. އެހެންކަމުން ކިޔުންތެރިންގެ ސަމާލުކަމަށް މިކަން މިގެނައީ ވަރަށް މުހިންމު ބޭނުމަކުއެވެ. އެއީ މައިންނަށްޓަކާ އުފުލަންޖެހޭ ތަކްލީފަށް ނުބަލައި މައިންނަށް ޚިދުމަތް ކުރުމުން ލައްވަވާ ރަޙްމަތެވެ.
ވިސްނަންވީ ހަމައެކަނި ޢުމުރާއަށް މައިން ގެންދިއުމާއިމެދަކު ނޫނެވެ. މައިންނަށް ކޮށްދޭންޖެހޭ ކޮންމެ ޚިދުމަތެއްވެސް ކޮށްދިނުމާއިމެދުގައެވެ. އެމީހަކަށް ﷲ ތަޢާލާގެ ރަޙްމަތް ލިބިގެންދާނެއެވެ. އިން ޝާ ﷲ
އުޅެން ޖެހިދާނެ ދަތި ޙާލަށް ނުބަލާ ނުކުޅެދޭ މަންމަ ގޮވައިގެން ޢުމުރާއަށް ދިއަ އަންހެނަކަށް ލެއްވެވި ބޮޑު ރަޙްމަތެއް!
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ