ހިޔާ ފްލެޓް ހިމެނޭ ސަރަހައްދުން މާދަމާ ކުޑަ ވަގުތުކޮޅަކަށް ކަރަންޓު ކެނޑިދާނެ ކަމަށް ކަރަންޓުގެ ޚިދްމަތްދޭ ސްޓެލްކޯ އިން ބުނެފިއެވެ.
ސްޓެލްކޯ އިން އެކްސްގައި ކޮށްފައިވާ ޕޯސްޓެއްގައި ބުނެފައިވަނީ އެކުންފުނީގެ އެމް.ވީ ޑިސްޓްރިބިއުޝަން ނެޓްވޯކްގައި ކޮންމެހެން ކުރަންޖެހޭ މަސައްކަތެއް ކުރުމަށް ޓަކައި ހުޅުމާލެ ދެވަނަ ފިޔަވަހީގެ ހިޔާ ފްލެޓްތައް ހިމެނޭ ނެއިބަރހުޑް 1 އަދި 5 އިން ހެނދުނު 6 ޖަހާއިރު ކުޑަ ވަގުތުކޮޅަކަށް ކަރަންޓު ކެނޑިދާނެ ކަމަށެވެ.
ސްޓެލްކޯއިން ވަނީ ކަރަންޓު ކެނޑިގެން އެސަރަހައްދުގެ ރައްޔިތުންނަށް ދިމާވެދާނެ ދަތިތަކަށް މަޢާފަށް އެދިފައެވެ.