ސަރުކާރު ބަންދުވި ނަމަވެސް، އަންނަ ބުރާސްފަތި ދުވަހު ޕާސްޕޯޓުގެ ޚިދުމަތް ލިބޭނެކަމަށް މޯލްޑިވްސް އިމިގްރޭޝަނުން މިއަދު ހާމަކޮށްފިއެވެ. '
އާއަހަރުގެ މުނާސަބަތުގައި މާދަމާ އާއި ބުރާސްފަތި ދުވަހަކީވެސް ސަރުކާރު ބަންދު ދުވަހެއްގެ ގޮތުގައި ސަރުކާރުން ވަނީ ކަނޑައަޅުއްވާފައެވެ.މޯލްޑިވްސް އިމިގްރޭޝަނުން ބުނީ އިމުގާ ޕޯޓަލް މެދުވެރިކޮށް ޕާސްޕޯޓުގެ ޚިދުމަތަށް 24 ގަޑިއިރު ހުށައެޅޭނެ ކަމަށެވެ. މީގެ އިތުރުން، 65 އަހަރުން މަތީގެ މީހުންނަށާއި އެމަޖެންސީ ޙާލަތްތަކުގައި ޕާސްޕޯޓް ބޭނުންވާ މީހުންނަށް އިމިގްރޭޝަނަށް ހާޒިރުވެ ާޒިރުވެ ބުރާސްފަތި ދުވަހުގެ ހެނދުނު 8:30 އިން 14:00 އާ ދެމެދުގެ ވަގުތެއްގައި ހުށައެޅޭނެކަމަށް އިމިގްރޭޝަނުން ހާމަކުރިއެވެ.އިމިގްރޭޝަނުން އިތުރަށް ބުނީ ހަމަ އެ ވަގުތު، ޕާސްޕޯޓާ ހަވާލުވުމަށް ނަންބަރު ދޫކުރުންވެސް ކުރިއަށްދާނެ ކަމަށެވެ. މި ޚިދުމަތް ދިނުމަށް ނިންމާފައިވަނީ ސަރުކާރު ބަންދު ދުވަސްތަކުގައިވެސް ރައްޔިތުންނަށް މުހިންމު ޚިދުމަތްތައް ފޯރުކޮށްދިނުމުގެ މަޤްޞަދުގައި ކަމަށް ބެލެވެއެވެ.