ތ އަތޮޅު ގުރައިދޫއަށް ދިމާވެފައިވާ ކަރަންޓުގެ މައްސަލަ ހައްލުކުރުމުގެ ގޮތުން އެ ރަށަށް 600 ކިލޯވޯޓްގެ ޖަނަރޭޓަރެއް ފެނަކަ ކޯޕަރޭޝަނުން ފޯރުކޮށްދީފިއެވެ.
މިކަން ހާމަކުރައްވާ ފެނަކަ ކޯޕަރޭޝަނުން މައުލޫމާތުދޭ ގޮތުގައި ގުރައިދޫއަށް ޖަނަރޭޓަރު ގެންގޮސް މިހާރު އިންސްޓޯލް ކުރުމުގެ މަސައްކަތް ފަށައިފައި ވާކަމަށެވެ.
އަދި ރޭވިފައިވާ ގޮތަށް މަސައްކަތް ކުރިޔަށްދާނަމަ ކުރިއަށްއޮތް 24 ގަޑިއިރު ތެރޭ ޖަނަރޭޓަރު އިންސްޓޯލް ކުރެވި ޖަނަރޭޓަރުން ހިދުމަތް ދޭން ފެށޭނެކަމަށެވެ.
އަދި މި ޖަނަރޭޓަރުން ޚިދުމަތް ދޭން ފެށުމުން ގުރައިދޫގެ ރައްޔިތުންނަށް ދިމާވާ ކަރަންޓުގެ މައްސަލައަށް ދާއިމީ ހައްލެއް ލިބިގެން ދާނޭ ކަމަށް ފެނަކަ ކޯޕަރޭޝަނުން ހާމކުރެއެވެ.