ވެންކޫވަރުގެ ބީސީ ޕްލޭސްގައި ކުޅުނު ފޯރިގަދަ މެޗުން ކެނެޑާ 2-1 އިން ބަލިކޮށް، ސްވިޒަލޭންޑުން ގްރޫޕް ބީގެ އެއްވަނަ މަގާމާއެކު މުބާރާތުގެ ނޮކްއައުޓް ބުރުން ޖާގަ ކަށަވަރުކޮށްފިއެވެ.
މި ގްރޫޕުގައި ކުޅުނު އަނެއް މެޗުން ބޮސްނިއާ އިން ވަނީ ގަތަރު 3-1 އިން ބަލިކޮށްފައެވެ.
ތިންވަނައިގައި މުބާރާތް ނިންމާލަން ޖެހުނު ނަމަވެސް، ބޮސްނިއާއަށް އަދިވެސް މުބާރާތުގެ ކުރިއަށް އޮތް ބުރަށް ދިއުމުގެ އުންމީދު އެބައޮތެވެ. އެއީ ހުރިހާ ގްރޫޕްތަކަކުން އެންމެ ރަނގަޅު ނަތީޖާ ހޯދާ ތިންވަނަ ޓީމުތަކުގެ ތެރޭގައި ހިމެނިގެން ކޮލިފައިވުމުގެ ފުރުސަތު އެ ޓީމަށް އޮތުމުންނެވެ.