ލާންސް ކޯޕްރަލް ކުޑަ އާދަމް ކުޑަތުއްތު ޒޯން ޑިއުޓީގައި މެދު ޒިޔާރަތްމަގުގައި އުޅުއްވަމުން ގެންދަވަނިކޮށް ދިން ބަޑީގެ ހަމަލާއިން ވަޒަން އަރައި ޝަހީދުވީ އެވެ. ލާންސް ކޯޕްރަލް ކުޑަ އާދަމް ކުޑަތުއްތު ޝަހީދުވެގެން ވެއްޓިފައިވަނީ އިސްލާމީ މަރުކަޒުގެ ކައިރިން މެދުޒިޔާރަތް މަގަށެވެ.
ލާންސް ކޯޕްރަލް ކުޑަ އާދަމް ކުޑަ ތުއްތު ޝަހީދުވެފައިވަނީ ސިފައިންގެ ޑިއުޓީގައި ހުންނަވަނިކޮށް ކަމަށްވާތީ ދިވެހި ދަތުލަތުން އެކަމުގެ އަގު ވަޒަންކުރައްވާ ލާންސް ކޯޕްރަލްއެއްގެ މަގާމުން ސާޖެންޓެއްގެ މަގާމުގެ ކުރިއެރުން ދެއްވައި ހުރަވީ ރިހި މެޑަލް އައި ތިނެއް ނޮވެމްބަރުގެ މެޑަލް އާއި ޖިހާދުގެ ރަތް މެޑަލްދެއްވި އެވެ.
ޝަހީދުވީ އުމުރުފުޅުން 49 އަހަރާއި 10 މަހާއި 1 ދުވަހުންނެވެ. ދާއިމީ އެޑްރެހަކީ ހ.އަންހީޓު އެވެ. ބައްޕައަކީ ކުޑަ އާދަމް، މުލަކު އެވެ.
މައުލޫމާތު: އެމްއެންޑީއެފްއިން ނެރުނު 3 ނޮވެމްބަރު ފޮތުން
وَلَا تَقُولُوا لِمَنْ يُقْتَلُ فِي سَبِيلِ اللَّهِ أَمْوَاتٌ بَلْ أَحْيَاءٌ وَلَكِنْ لَا تَشْعُرُونَ
“އަދި ﷲގެމަގުގައި (ޖިހާދު ކުރަނިކޮށް) ޝަހީދުވާ މީހުންނާމެދު (އެއީ) މަރުވެފައިވާ ބަޔެކޭ، ތިޔަބައިމީހުން ނުބުނާށެވެ! އަދި ކިއެއްތަ! އެއުރެންނީ، ދިރިތިބި ބަޔެކެވެ. އެހެނެއްކަމަކު (އެކަން) ތިޔަބައިމީހުންނަށް ނޭނގެނީއެވެ.”