ކުރިޔަށް އޮތް ފަސް އަހަރުދުވަހުގެ ތެރޭގައި އިތުރު 15000 ޒުވާނުންނަށް ވަޒީފާގެ ފުރުސަތު ހޯދައިދޭނެ ކަމުގައި ޑީއާރުޕީގެ ރިޔާސީ ކެންޑިޑޭޓް އަލްއުސްތާޒު މައުމޫނު އަބްދުލް ގައްޔޫމް ވިދާޅުވެއްޖެއެވެ.
ޑީއާރުޕީގެ ޒައީމް މައުމޫން މިހެން ވިދާޅުވީ ރޭ ފުވައްމުލަކު ހާފިޒު އަހުމަދު ސުކޫލުގައި ޑީއާރުޕީގެ ސަޕޯޓަރުންނާ ބައްދަލުކުރައްވައި ކުރިޔަށް އޮތް ފަސް އަހަރު ދުވަހަށް އެމަނިކުފާނު ރައީސްކަމަށް ހޮއްވަވައިފިނަމަ ކޮށްދެއްވާނެ ކަންތައްތަކާ ބެހޭގޮތުން ވާހަކަފުޅު ދައްކަވަމުންނެވެ.
މިމޭރުމުން ވާހަކަފުޅުދައްކަވަމުން މައުމޫން ވިދާޅުވީ ދިވެހި ޒުވާނުންނަކީ ތައުލީމަށާއި ކުރިއެރުމަށް ލޯބިކުރާ ބައެއްކަމަށާއި މިގޮތުން ވަޒީފާއަކީ ވަރަށް މުހިއްމު ކަމެއް ކަމަށާއި ކޮންމެ މީހެއްގެވެސް އާމްދަނީ ބިނާވަނީ އެމީހަކު އަދާކުރާ ވަޒީފާއެއްގެ މައްޗަށް ކަމަށެވެ. އަދި މިހާރުވެސް ސަރުކާރުން ވަޒީފާގެ ފުރުސަތު ޒުވާނުންނަށް ހޯދައިދިނުމަށް ދޭ އަހައްމިއްޔަތު މިހާރަށްވުރެވެސް ބޮޑަށް ހަރުދަނާ ކުރައްވާނެ ކަމަށް ވިދާޅުވިއެވެ.
އަދިވެސް އެމަނިކުފާނުގެ މެނިފެސްޓޯގައި ހިމަނުއްވާފައިވާ އެހެން ބައެއް ކަންތައްތަކާ ބެހޭގޮތުން ވާހަކަ ދެއްކެވިއެވެ.
ރޭގެ ޖަލްސާގައި މައުމޫންގެ ރަނިން މޭޓް އަހުމަދު ތަސްމީން އަލީ އާއި ޑީއާރުޕީގެ ބައެއް ބޭފުޅުންގެ އިތުރުން އެމްއެސްޑީޕީގެ ލީޑަރ ރީކޯ އިބްރާހިމް މަނިކުވެސް ވާހަކަ ދެއްކެވިއެވެ. މިޖަލްސާގައި ޑީއާރުޕީގެ ވަރަށް ގިނަ އަދަދެއްގެ މެންބަރުންނާއި ޑީއާރުޕީ އަށް ސަޕޯޓުކުރާ ވަރަށް ގިނަ އަދަދެއްގެ ރައްޔިތުން ބައިވެރި ވިއެވެ.
ރިޔާސީ އިންތިހާބު 2008: ކުރިޔަށް އޮތް ފަސް އަހަރުގެތެރޭގައި އިތުރު 15000 ޒުވާނުންނަށް ވަޒީފާގެ ފުރުސަތު ހޯދައިދޭނަން: މައުމޫން
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ
