އެންމެ ފަހުގެ ގޫގުލް ޕްލޭ ސާވިސަސް އަޕްޑޭޓުގައި ހިމެނޭ އޮޓޮމެޓިކް ރީބޫޓަކީ ޑިވައިސް ލޮކްވެގެން ބޭނުންނުކުރާ ހާލަތުގައި ޑޭޓާ ރައްކާތެރިކުރުމަށް ގޫގުލް ސިސްޓަމްސްގެ އޭޕްރިލް އަޕްޑޭޓުގެ ބައެއްގެ ގޮތުގައި ތައާރަފްކުރެވިފައިވާ ނިޒާމެކެވެ. ޑިވައިސް ރީސްޓާޓްވުމުން، "ބިފޯ ފަސްޓް އަންލޮކް" (ބީއެފްޔޫ) ސްޓޭޓަކަށް ބަދަލުވެ، ޑޭޓާ އަށް ވާސިލުވުމަށާއި ބަޔޮމެޓްރިކް އޮތެންޓިކޭޝަން ބޭނުންކުރުމުގެ ކުރިން ޕާސްކޯޑު އެންޓާކުރަން ޖެހޭނެ އެވެ.
މި ބަދަލަކީ އެޕަލްގެ "އިންއެކްޓިވިޓީ ރީބޫޓް" ފީޗާއާ އެއްގޮތްވާ ބަދަލެކެވެ. އެޕަލްއިން މި ފީޗާ ތައާރަފުކޮށްފައިވަނީ ނޮވެންބަރު މަހު އައިއޯއެސް 18.1ގަ އެވެ. އެޕަލްގެ ނިޒާމުގައި ހަތަރު ދުވަހަށް ވަސީލަތް ބޭނުން ނުކޮށް ހުރުމުން އޮޓޮމެޓިކުން ރީސްޓާޓްވާނެ އެވެ.
މި މަޖުބޫރު ރީބޫޓްކުރުމުން ފެކްޓަރީ ރީސެޓެއް ނުކުރާނެ އެވެ. އަދި އެއްވެސް ޑޭޓާއެއް ފޮހެވިގެން ނުދާނެ އެވެ. މީގެ ބަދަލުގައި، އެންކްރިޕްޝަން އަލުން އެންގޭޖްކޮށް ސެންސިޓިވް މައުލޫމާތު ޑިވައިސްގެ ޕާސްކޯޑުގެ ފަހަތުގައި ލޮކްކުރެވޭކަން ކަށަވަރުކުރެ އެވެ. މި ފީޗާ އެންޑްރޮއިޑް ފޯނުތަކާއި ޓެބްލެޓްތަކަށް ލިބޭނެ އެވެ. ނަމަވެސް އެންޑްރޮއިޑް އޮޓޯ، ޓީވީ ނުވަތަ ވެއާއޯއެސް ހިންގާ ވަސީލަތްތަކަށް މިކަން ނުލިބޭނެ އެވެ.
އޮޓޮމެޓިކް ރީބޫޓްވުމުގެ ކުރިން އެންޑްރޮއިޑްއިން ބޭނުންކުރާ މީހުންނަށް އެންގިދާނެކަން އަދި ސާފެއް ނޫނެވެ. މިހާރު، އެންޑްރޮއިޑް ވަސީލަތްތަކުގައި ޕިން އެންޓްރީ ސްކްރީންގައި ރީސްޓާޓްކުރުމަށްފަހު ޕާސްކޯޑް ބޭނުންވާކަން އަންގައިދޭ ޕްރޮމްޕްޓެއް ދައްކަ އެވެ.
ސަލާމަތީ ރައްކާތެރިކަން އިތުރުކުރުމުގެ އިތުރުން، ގޫގުލް ޕްލޭ ސާވިސަސްގެ އޭޕްރިލް އަޕްޑޭޓުގައި އަންނަނިވި ބަދަލުތައްވެސް ހިމެނެއެވެ:
- ކުއިކް ޝެއާ ޓްރާންސްފާއެއް ގަބޫލުކުރުމުގެ ކުރިން ކޮންޓެންޓް ޕްރިވިއުކުރެވޭ ގޮތް
- ބޭނުންކުރުމާއި ޑައިގްނޮސްޓިކްސް ސެޓިންގްސްގެ އަޕްޑޭޓެޑް އިންޓާފޭސް
- ފޯން ސެޓަޕްކުރުމާއި ޒަމާންވީ ވަސީލަތްތަކުން ޑޭޓާ ޓްރާންސްފާކުރުން ފަސޭހަކުރުން
ގޫގުލް ސިސްޓަމް އަޕްޑޭޓްތައް އާންމުކޮށް ދޫކުރެވެނީ އެންޑްރޮއިޑްއާއި ގޫގުލްގެ ހާޑްވެއާ ބާވަތްތަކަށެވެ. ކުންފުނިން އަދި ވާޝަން 25.14 އަޕްޑޭޓް ބޭނުންކުރާ ހުރިހާ މީހުންނަށް ލިބެން ހަމަޖެހިފައިވާ ތާރީޚުގެ މައުލޫމާތު ދީފައެއް ނުވެއެވެ. މިފަދަ ފީޗާ އަޕްޑޭޓްތައް އާންމުކޮށް ދޫކުރެވެނީ ހަފްތާއެއް ނުވަތަ ދެ ހަފްތާގެ ތެރޭގަ އެވެ.