ހުޅުމާލެ ދެވަނަ ފިޔަވަހީގައި އިމާރާތް ކޮށްފައިވާ ހިޔާ ފްލެޓުތަކުގެ ތެރެއިން ބައެއް ފްލެޓުތަކުން ކަރަންޓު ކެނޑުނު މައްސަލަ ހައްލުކޮށްފިއެވެ.
ހިޔާގެ ބައެއް ފްލެޓުތަކުން ކަރަންޓުގެ ހިދުމަތް ކެނޑުނީ މިއަދު ހަވީރު 17:20 ހާއިރުއެވެ. އެވަގުތުން ފެށިގެން ކަރަންޓު ކެނޑުނު މައްސަލަ ހައްލު ކުރުމުގެ މަސައްކަތް ސްޓެލްކޯ އިން ދިޔައީ ކުރަމުންނެވެ.
ހިޔާގެ ބައެއް ފްލެޓުތަކުން ކަރަންޓު ކެނޑުނީ ސަބްސްޓޭޝަންގެ ސްވިޗްގިއަރުގެ ބަސްބާ ޝޯޓުވުމާއި ގުޅިގެންނެވެ. ސަބްސްޓޭޝަންގެ ސުވިޗްގިއަރު ބަދަލު ކުރުމުގެ މަސައްކަތް ކުރިޔަށްދާ ކަމަށް އެކުންފުނިން ބުނެއެވެ. އެ މަސައްކަތަށް ގާތްގަނޑަކަށް ތިން ގަޑިއިރު ހޭދަވާނެ ކަމަށް ބެލެވޭ ކަމަށް ސްޓެލްކޯ އިން މީގެކުރިން ބުންޏެވެ.
ވަގުތީ އާރުއެމް ޔުނިޓެއް ބަހައްޓައި އަޅުގަނޑުމެންގެ މުވައްޒަފުން ކެނޑިނޭޅި ކުރި ބުރަ މަސައްކަތުން ހިޔާގެ ކަރަންޓުގެ ހިދުމަތް މެދުކެނޑުނު ހުރިހާ ޓަވަރަކަށް މިހާރު ވަނީ އަލުން ކަރަންޓު ދެވިފައި. ދިމާވި ދަތިތަކަށް މާފަށް އެދެން. pic.twitter.com/VCK5z6XRxr
— STELCO (@STELCOMALDIVES) March 27, 2023
ސްޓެލްކޯ އިން ބުނީ ވަގުތީ އާރުއެމް ޔުނިޓެއް ބަހައްޓައި އެކުންފުނީގެ މުވައްޒަފުން ކެނޑިނޭޅި ކުރި ބުރަ މަސައްކަތުން ހިޔާގެ ކަރަންޓުގެ ހިދުމަތް މެދުކެނޑުނު ހުރިހާ ޓަވަރަކަށް އަލުން ކަރަންޓު ދެވިފައިވާ ކަމަށެވެ. އެކުންފުނިން ވަނީ ހިޔާ ފްލެޓުތަކުން ކަރަންޓު ކެނޑި، ދިމާވި ދަތިތަކަށް މާފަށް އެދިފައެވެ.
Your email address will not be published. Required fields are marked *
ހިޔާލު *
ނަން
Δdocument.getElementById( "ak_js_1" ).setAttribute( "value", ( new Date() ).getTime() );
© 2021-2023 Hathaavees Online | All Rights Reserved.