ޕްރޮޕޯސަލް ހުށަހެޅި ކައުންސިލްތަކަށް ރަށްތައް ހަވާލުކުރުމަށް ރައީސް ޑރ. މުހައްމަދު މުއިއްޒު ނިންމާފައިވާ ކަމަށް ސިޓީސް، ލޯކަލް ގަވަމެންޓް އެންޑް ޕަބްލިކް ވޯކްސް މިނިސްޓާ އާދަމް ޝަރީފް އުމަރު ވިދާޅުވެއްޖެ އެވެ.
މިނިސްޓަރު މިހެން ވިދާޅުވީ އެކްސްގައި ކުރެއްވި ޕޯސްޓެއްގައެވެ. އެ ޕޯސްޓުގައި ރައީސް ވިދާޅުވީ ކައުންސިލްތަކަށް ފަޅުރަށްތައް ހަވާލު ކުރުމަށް ރައީސް ނިންމަވާފައިވާ ކަމަށާއި އެގޮތުން ރ.އިނގުރައިދޫ، ލ.މާވަށުގެ އިތުރުން ދ. އަތޮޅު ކައުންސިލަށް ރަށް ހަވާލު ކުރުމަށް ނިންމާފައިވާ ކަމަށެވެ.
އެ ކައުންސިލްތަކަށް ދޭން ނިންމާފައިވާ ރަށްތައް:
- ރ. އިނގުރައިދޫ ކައުންސިލް - ރ. ނެޔޮ
- ލ. މާވަށް ކައުންސިލް - ލ. ބޮޑުމާބުޅި
- ދ. އަތޮޅު ކައުންސިލް - ދ. މިނިމަސްގަލި އަދި ދ. ފެންފުށި
މީގެ އިތުރުން މިނިސްޓަރު ވިދާޅުވީ އަންނަ ހަފުތާގައި ރައީސް އޮފީހަށް ރިޕޯޓް ހުށަހަޅައި ފިނޭންސް އެންޑް ޕްލޭނިން މިނިސްޓްރީއާ ގުޅިގެން ރަށްތައް ހަވާލުކުރުމުގެ މަސައްކަތް ކުރިއަށް ގެންދާނެ ކަމަށެވެ.